రెజ్లింగ్ ఫెడరేషన్ ఆఫ్ ఇండియా (డబ్ల్యూఎఫ్‌ఐ) చీఫ్ బ్రిజ్ భూషణ్ శరణ్ సింగ్( Brij Bhushan Sharan Singh ) మహిళా రెజ్లర్లను లైంగికంగా వేధిస్తున్నారని ఆరోపిస్తూ భారతదేశంలోని స్టార్ రెజ్లర్లు నిరసన చేపట్టారు.ఈ నిరసనలు రెండవ వారంలోకి ప్రవేశించాయి.
ఢిల్లీ పోలీసులు సింగ్‌పై రెండు ఎఫ్‌ఐఆర్‌లు నమోదు చేశారు.
బజరంగ్ పునియా, వినేష్ ఫోగట్, సాక్షి మాలిక్‌లతో సహా రెజ్లర్లు లైంగిక వేధింపుల బాధితులకు న్యాయం చేయాలని డిమాండ్ చేస్తున్నారు.
ఆసియా క్రీడల్లో పతకం సాధించడం కంటే బాధితులకు న్యాయం చేయడమే ముఖ్యమని పునియా పేర్కొన్నారు.ఇక నిరసనల కారణంగా ఆటల శిక్షణపై ప్రభావం పడినందున, రెజ్లర్లు నిరసన ప్రదేశంలో రహదారిపై శిక్షణ పొందుతున్నారు.
ఆసియా క్రీడల ట్రయల్స్ తేదీలను ఫెడరేషన్ ఇంకా ప్రకటించలేదు.కొనసాగుతున్న నిరసనలు, శిక్షణా అవకాశాల కొరత కారణంగా హాంగ్‌జౌలో జరగనున్న ఆసియా క్రీడలకు( Asian Games ) తమను తాము సిద్ధం చేసుకోవడంలో రెజ్లర్లు ఇబ్బందులు ఎదుర్కొంటున్నారు.వారు ప్రస్తుతం రెజ్లింగ్ ఫెడరేషన్ ఆఫ్ ఇండియా చీఫ్ లైంగిక వేధింపులకు వ్యతిరేకంగా నిరసన వ్యక్తం చేస్తున్నారు.బాధితులకు న్యాయం చేయాలని డిమాండ్ చేస్తున్నారు.మరి ఈ విషయంలో ప్రభుత్వాలు, న్యాయస్థానాలు ఎంత త్వరగా స్పందిస్తాయో చూడాలి.
ఇకపోతే ఫోగట్, పునియా ఇద్దరూ ఆసియా క్రీడలలో డిఫెండింగ్ ఛాంపియన్లుగా ఉన్నారు.నిరసనలు రాజకీయ ప్రేరేపితమని ఆరోపణలు ఎదుర్కొంటున్న చీఫ్ బ్రిజ్ భూషణ్ శరణ్ సింగ్ పేర్కొన్నాడు.నిరసనకారులు ఫెడరేషన్‌ను స్వాధీనం చేసుకునేందుకు ప్రయత్నిస్తున్నారని ఆరోపించాడు.
దీనిపై మే 5న సుప్రీంకోర్టు విచారణ చేపట్టనుంది.
