లిమ్కా బుక్ ఆఫ్ రికార్డ్స్ లోకి JK సిమెంట్స్… అంత మంచిదా?

జెకే సిమెంట్స్( JK Cements ) ఏమిటి? లిమ్కా బుక్ ఆఫ్ రికార్డ్స్( Limca Book of Records ) లోకి ఎక్కడమేమిటి అని అనుమానం వస్తుంది కదూ.మీరు విన్నది నిజమే.

 లిమ్కా బుక్ ఆఫ్ రికార్డ్స్ లో-TeluguStop.com

జెకే సిమెంట్స్ లిమ్కా బుక్ ఆఫ్ రికార్డ్స్ లోకి ఎక్కింది.విషయం ఏమంటే ఒకే రోజులో రాజస్తాన్( Rajasthan ) లోని 249 పాఠశాలల్లో 249 ర్యాంప్ లను నిర్మించడం ద్వారా జేకే సిమెంట్స్ ఈ ఘనతను సాధించింది.అందుకుగాను లిమ్కా బుక్ ఆఫ్ రికార్డ్స్ లో స్థానం లభించింది.‘బనాయే హర్ రాహ్ ఆసాన్‘ (రండి ప్రతీ మార్గాన్ని సులభతరం చేద్దాం) అనే కార్యక్రమం చేపట్టిన జేకే సిమెంట్స్ ఒకే రోజులో ఈ రికార్డుని సాధించింది.

కాగా ఈ కార్యక్రమంలో మొత్తం 2 వేల మంది జేకే సిమెంట్స్ ఉద్యోగులు, కాంట్రాక్టర్లు, డీలర్లు, కార్మికులు పాల్గొన్నారు.ఈ సందర్భంగా జేకే సిమెంట్స్ బ్రాండింగ్ హెడ్ లవ్ రాఘవ్ మాట్లాడుతూ… ఇదొక గొప్ప కార్యక్రమమని, సమాజానికి ఎంతో కొంత తిరిగివ్వాలన్న జేకే సిమెంట్స్ విధానంలో భాగంగా ఈ కార్యక్రమం చేపట్టామని అన్నారు.సమాజానికి సేవ చేయడం, దాంతో పాటు తమ బ్రాండ్ వాల్యూ పెంచుకోవడం ఈ కార్యక్రమం ఉద్దేశం అని పేర్కొన్నారు.

ఇకపోతే ఒకే రోజులో 249 స్కూల్ ర్యాంప్ ల నిర్మాణం కార్యక్రమం పూర్తిగా జేకే సిమెంట్స్ మాత్రమే నిర్వహించిందని, ఇందులో వేరే సంస్థలు, ప్రభుత్వ విభాగాల పాత్ర ఎంతమాత్రమూ లేదని జేకే సిమెంట్స్ క్లస్టర్ హెడ్ హరీశ్ ఖుషలాని పేర్కొన్నారు.జేకే సిమెంట్స్ తో ప్రత్యక్ష, పరోక్ష సంబంధమున్న 2వేల మంది కృషితో ఈ కార్యక్రమం సాధ్య పడిందని ఆయన ఈ సందర్భంగా చెప్పుకొచ్చారు.సిమెంట్ ఉత్పత్తిలో భారత్ లోని ప్రముఖ కంపెనీల్లో జేకే సిమెంట్ ఒకటనే విషయం అందరికీ విదితమే.

అలాగే వైట్ సిమెంట్ ఉత్పత్తిలో జేకే సిమెంట్స్ ప్రపంచ అగ్రగామి సంస్థల్లో ఒకటిగా వెలుగుతోంది.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube