New Jersey Fire Accident : న్యూజెర్సీలో భారీ అగ్నిప్రమాదం.. అందులో భారతీయులు, అంతా సురక్షితమేనన్న కాన్సులేట్ జనరల్

న్యూజెర్సీలోని( New Jersey ) ఒక భవనంలో భారీ అగ్నిప్రమాదం( Fire Accident ) చోటు చేసుకుంది.

ఈ బిల్డింగ్‌లో డజను మందికి పైగా భారతీయ విద్యార్ధులు , నిపుణులు నివసిస్తూ వుండటంతో అమెరికాలో కలకలం రేగింది.

వెంటనే స్పందించిన పోలీసులు, అగ్నిమాపక సిబ్బంది ఘటనాస్థలికి చేరుకుని మంటలను అదుపు చేశారు.గురువారం జెర్సీ సిటీలోని 77 నెల్సన్ అవెన్యూలోని( 77 Nelson Avenue ) ఈ బిల్డింగ్ కాంప్లెక్స్‌ బేస్‌మెంట్‌లో ప్రారంభమైన మంటలు నెమ్మదిగా మొదటి, రెండవ అంతస్తులకు ఆ వెంటనే పైకప్పుకు వ్యాపించాయని నగర అధికార ప్రతినిధి కింబర్లీ వాలెస్ స్కాల్సియోన్ పేర్కొన్నారు.

మంటలు చెలరేగడంతో పక్కనే వున్న మరో భవనం పైకప్పుకు కూడా నష్టం వాటిల్లింది.