యుద్ధంతో జీవితాలు ఛిద్రం : ఉక్రెయిన్ వాసులకు సంఘీభావం.. ఐర్లాండ్‌లోని భారతీయ కమ్యూనిటీ హరిత యజ్ఞం

ఉక్రెయిన్‌పై రష్యా సాగిస్తున్న దండయాత్రకు ఆ దేశం చివురుటాకులా వణుకుతోంది.

ఎక్కడ చూసినా మరణించిన సైనికుల మృతదేహాలు, తెగిపడిన శరీర భాగాలు, శిథిల భవనాలతో ఉక్రెయిన్ .

స్మశానంలా కనిపిస్తోంది.దీంతో ప్రాణాలు అరచేతిలో పెట్టుకుని ఆ దేశ వాసులు ఐరోపా, తదితర దేశాలకు వలస వెళ్తున్నారు.

కన్నవారిని, పుట్టిన గ్రామాన్ని, అయిన వారిని అందరిని విడిచిపెట్టి.పరాయి దేశంలోనైనా ప్రాణాలతో వుంటే చాలని ఎలాగోలా దేశం విడిచిపోతున్నారు.

మరోవైపు యుద్ధం కారణంగా అతలాకుతలమైన ఉక్రెయిన్‌ను ఆదుకునేందుకు అంతర్జాతీయ సమాజం, పలు స్వచ్చంధ సంస్థలు ఆపన్న హస్తం అందిస్తున్నాయి.ఇదిలావుండగా.

సిక్కు సంతతికి చెందిన ఐరీష్ పర్యావరణ కార్యకర్తలు యుద్ధంలో నాశనమై శరణార్థులుగా వివిధ దేశాలకు వెళ్లిపోయిన ఉక్రెయిన్ వాసులకు సంఘీభావంగా ఐర్లాండ్‌లో హరిత యజ్ఞం మొదలుపెట్టారు.దీనిలో భాగంగా ఏకంగా అడవినే నాటాలని లక్ష్యంగా పెట్టుకున్నారు.

EcoSikh Ireland , Reforest Nation సంస్థలకు చెందిన కార్యకర్తలు.ఐర్లాండ్‌లో ఈ ఉద్యమానికి శ్రీకారం చుట్టారు.

విక్లో కౌంటీలోని గ్రేస్టోన్స్‌లో 10,000 మొక్కలను నాటనున్నట్లు డబ్లిన్ లైవ్ పత్రిక నివేదించింది.