ఓసీఐ కార్డుదారులకు శుభవార్త .. భారతీయ విమానాశ్రయాల్లో అందుబాటులోకి కొత్త ఫెసిలిటీ

అర్హులైన వ్యక్తులు ఈ సదుపాయాన్ని పొందేందుకు ఆన్‌లైన్‌లో దరఖాస్తులు చేసుకోవాలి.రిజిస్ట్రేషన్ కోసం దరఖాస్తు ఫామ్‌లో పేర్కొన్న విధంగా వారి బయోమెట్రిక్‌( Biometric )లను (వేలిముద్ర, ఫేస్ ) ఇతర అవసరమైన సమాచారాన్ని సమర్పించాల్సి ఉంటుందని అధికారులు వివరించారు.రెండో దశలో ఈ కార్యక్రమం విదేశీ ప్రయాణీకులకు కూడా వర్తింపజేస్తామని తెలిపారు.

ధృవీకరణ తర్వాత ఈ-గేట్‌లు, ఆటోమెటెడ్ బోర్డర్ గేట్ల ద్వారా ఇమ్మిగ్రేషన్ క్లియరెన్స్ ప్రక్రియలో మానవ జోక్యాన్ని తగ్గించేలా విశ్వసనీయ ప్రయాణీకుల వైట్‌లిస్ట్ రూపొందించబడుతుంది.పాస్‌పోర్ట్ చెల్లుబాటయ్యే వరకు లేదా ఐదేళ్ల పాటు ఈ రిజిస్ట్రేషన్ ఉంటుంది.

అమెరికా సహకారంతో ఈ సదుపాయం ఏర్పాటు చేశారు.ఈ కాన్సెప్ట్‌ను 2013లో అప్పటి యూపీఏ ప్రభుత్వం తొలిసారిగా ప్రతిపాదించింది.

జీఎంఆర్ గ్రూప్ యాజమాన్యంలోని ఢిల్లీ విమానాశ్రయం, ఈ ఫాస్ట్ ట్రాక్ ఇమ్మిగ్రేషన్‌ను సులభతరం చేయడానికి టెర్మినల్ 3లో ఎనిమిది ఎలక్ట్రానిక్ గేట్‌లతో అమర్చినట్లు తెలిపింది.డిమాండ్‌ను బట్టి కౌంటర్ల సంఖ్యను పెంచుతామని వెల్లడించింది.