అక్కడ రెస్టారెంట్‌లో తినాలంటే నాలుగేళ్లు ముందే బుక్ చేసుకోవాలట!

అవును, యూకేలోని ఓ చిన్న పబ్ గురించి తెలిస్తే మీరు అవాక్కవుతారు.అక్కడ ఆదివారం టేబుల్ బుక్ చేసుకోవడం అంత సులువు కాదు.యూకేలోని బ్రిస్టల్‌( Bristol )లో ఉన్న ది బ్యాంక్ టావెర్న్( The Bank Tavern ) అనే చిన్న పబ్ ఉంది.

ఇక్కడ ఆదివారం రోజున భోజనాన్ని బుక్ చేసుకొని ఆస్వాదించడమంటే బ్రహ్మాండం అన్నంత పని.అవును, ఎందుకంటే ఇక్కడ ప్రత్యేకంగా సిద్ధం చేసే సండే రోస్ట్‌ల కోసం ఏకంగా 4 సంవత్సరాల పాటు వేచి చూడాలి మరి.అక్కడి రెస్టారెంట్ బుకింగ్ నిపుణులు యూకేలోనే సుధీర్ఘ వెయిటింగ్ లిస్టు ఉన్న పబ్‌గా దీన్ని గుర్తించారు.అయితే కరోనా సమయంలో దేశవ్యాప్తంగా చాలా వరకు పబ్‌లు, రెస్టారెంట్‌లు మూసివేయాల్సి వచ్చింది.

దీంతో ఈ పబ్‌లో సండే రోస్ట్‌ల కోసం జరిగినటువంటి ముందస్తు బుకింగ్స్ వెయిటింగ్ లిస్ట్ అమాంతం పెరిగిపోయింది.