టొరంటోకి చెందిన 22 ఏళ్ల మోడల్ బ్రోన్విన్ అరోరా( Model Bronwyn Arora ) ఇటీవల చేసిన పని చాలామందికి పెద్ద షాక్ ఇచ్చింది.ఈ ముద్దుగుమ్మ తన ప్రియుడు ఆసుపత్రి బెడ్‌పై ఉంటే అతడి పక్కనే హ్యాపీగా డాన్స్ చేసింది.
ఆమె నర్తించిన వీడియోను టిక్‌టాక్‌లో పోస్ట్ చేసి విమర్శలను ఎదుర్కొంది.ఆమె తన పేరు ప్రియుడి వీలునామాలో చేరినందుకు ఇలా సంతోషంగా డాన్స్ చేసిందట.
ఈ విషయం తెలిసి ఆమెను సోషల్ మీడియా యూజర్లు తీవ్రంగా విమర్శిస్తున్నారు.అయితే ఆమె లవర్ చాలా ముసలి వ్యక్తి.
అతను బాగా బలహీనంగా ఉన్నాడు.త్వరలో చనిపోయేలాగానే కనిపిస్తున్నాడు.
ఈ వీడియో వైరల్‌గా మారగా చాలామంది ఆమె చర్యలను “సిగ్గు మాలినవిగా” అని, అనుచితమైనది అని అన్నారు.ఈ వీడియోలో బ్రోన్విన్ అరోరా, “నేను నా బాయ్ ఫ్రెండ్ విల్లులో చేరిపోయాను, ఇక నేను నా ప్రియుడి ప్లగ్ తీసేయాలా?” అని ఫన్నీగా కామెంట్లు చేసింది.మొదట ఈ టిక్‌టాక్ వీడియోను 122,000 మంది చూశారు, కానీ తరువాత లిబ్స్ ఆఫ్ టిక్‌టాక్ ( Libs of Tiktok )అనే X అకౌంట్ దీన్ని పంచుకోవడంతో మిలియన్ల మంది చూశారు.ఆమె 85 ఏళ్ల ప్రియుడు తరచుగా ఆమె వీడియోల్లో కనిపించేవారు.
ఈ జంట తమ వయసు తేడాను తరచూ తేలికగా తీసుకునేవారు.బ్రోన్విన్ అరోరా “వయసు అనేది కేవలం ఒక సంఖ్య” అని అనేవారు.
అయితే, ఆమె తాజా వీడియో ప్రేక్షకులకు నచ్చలేదు.
ఎక్స్‌లో ఒక వ్యక్తి, “ఆయన ఆమెను తన విల్లులో నుండి తొలగించాలని ఆశిస్తున్నాను” అని అన్నారు.మరొకరు, “ఆయన కుటుంబం దీన్ని చూస్తే, ఆమెను విల్లు నుంచి తొలగించి, ఆమెను బహిరంగంగా తప్పుబడుతారు” అని అన్నారు.కొంతమంది టిక్‌టాక్ వంటి ప్లాట్‌ఫామ్‌లను నిందిస్తూ, అసభ్యకరమైన ప్రవర్తనను పంచుకోవడానికి ప్రజలకు ఒక వేదికను ఇస్తున్నాయని అన్నారు.
ఒక యూజర్ ఆమెను అనుకరిస్తూ, “టిక్‌టాక్ ఇలాంటి ప్రవర్తనను సృష్టించలేదు.ఇది కేవలం ఆమెలాంటి వారికి తమ మానసిక సమస్యలను చూపించడానికి ఒక వేదికను ఇచ్చింది” అని అన్నారు.
బ్రోన్విన్ అరోరా తన ప్రవర్తనతో ప్రేక్షకుల దృష్టిని ఆకర్షించాలనుకుంటుందని, డబ్బు మీద ఆసక్తి ఎక్కువని కొందరు అభిప్రాయపడ్డారు.ఈ విమర్శల మధ్యన కూడా, బ్రోన్విన్ అరోరా, ఆమె ప్రియుడు తరచుగా కలిసి వీడియోలు చేస్తూ, తమ సంబంధం గురించి హాస్యంగా మాట్లాడుతూ, డ్యాన్స్ చేస్తూ ఉంటారు.వారు బయటి ప్రపంచం ఏమనుకుంటుందో పట్టించుకోపోయినా, ఈ సంఘటన ప్రజల్లో భారీ ఆగ్రహాన్ని రేకెత్తిసింది.
