టొమాటో అనేది వంటకం యొక్క రుచిని పెంచుతుంది.దీనిని సలాడ్‌గా తింటారు.
టొమాటో చట్నీ, సూప్ లేదా జ్యూస్ మాదిరిగా దీనిని తీసుకుంటారు.అయితే గ్రీన్ టొమాటో పేరు మీరు ఎప్పుడైనా విన్నారా? నిపుణుల అభిప్రాయం ప్రకారం విటమిన్ సి , ఎ, కాల్షియం, పొటాషియం మరియు ఇతర ముఖ్యమైన అంశాలు గ్రీన్ టొమాటోలో కనిపిస్తాయి.ఆకుపచ్చ టమోటాలు అందించే ఇతర ప్రయోజనాల గురించి తెలుసుకుందాం.
కంటి ఆరోగ్యం:
కళ్లకు చాలా ముఖ్యమైనదిగా భావించే బీటా-కెరోటిన్, ఆకుపచ్చ టమోటాలలో భారీ పరిమాణంలో ఉంటుంది.బీటా కెరోటిన్‌తో కళ్లను ఆరోగ్యంగా ఉంచడంతో పాటు వాటి దృష్టిని పెంచుతుంది.
రక్తపోటు:
అస‌హ‌జ‌మైన జీవనశైలి కారణంగా చాలా మందిలో అధిక రక్తపోటు సమస్య ఏర్ప‌డుతుంది.మీరు ఆకుపచ్చ టమోటాల వినియోగం ద్వారా రక్తపోటును నియంత్రించవచ్చు.ఇందులో ఉండే పొటాషియం రక్తపోటును అదుపులో ఉంచుతుంది.
చర్మానికి ప్రయోజనాలు
: కాలుష్యం కారణంగా చర్మంపై మొటిమలు, నల్లమచ్చల సమస్య సర్వసాధారణమైపోయింది.గ్రీన్ టొమాటోల సాయంతో చ‌ర్మ సంబంధిత స‌మ‌స్య‌ల‌ను తొల‌గించుకోవ‌చ్చు.చర్మానికి ఎంతో ముఖ్యమైనదిగా భావించే విటమిన్ సి ఇందులో పుష్కలంగా ఉంది.అలాగే దీనిలోని యాంటీ ఆక్సిడెంట్లు చర్మాన్ని ఆరోగ్యంగా ఉంచడంలో దోహ‌ద‌ప‌డ‌తాయి.
రోగనిరోధక శక్తి:
కరోనా కాలంలో రోగనిరోధక శక్తి ప్రాముఖ్యత అంద‌రికీ తెలిసింది.రోగ నిరోధ‌క శక్తిని పెంచుకునేందుకు వివిధ పద్ధతులను అవలంబిస్తున్నారు.ఇందుకోసం ఆకుపచ్చ టొమాటోలను వినియోగించ‌వ‌చ్చు.శరీరంలో విటమిన్ సి లోపాన్ని పచ్చి టొమాటో లతో తీర్చడం ద్వారా రోగనిరోధక శక్తిని పెంచుకోవచ్చు.
