హైదరాబాద్‌లోని ప్రముఖ రియల్‌ ఎస్టేట్‌ డెవలపర్‌ వంశీరామ్ బిల్డర్స్ కార్యాలయాలు, ఆస్తులపై గత రెండు రోజులుగా దాడులు నిర్వహిస్తున్న ఆదాయపు పన్ను (ఐటీ) శాఖ అధికారులు.ఆ కంపెనీకి, దేవినేని కుటుంబానికి సంబంధించిన కొన్ని ఆసక్తికరమైన విషయాలు వెల్లడైనట్లు తెలుస్తుంది .
వంశీరాం బిల్డర్స్ రికార్డులను పరిశీలించిన ఐటీ శాఖ అధికారులు.హైదరాబాద్‌లోని బంజారాహిల్స్‌లోని రోడ్‌ నంబర్‌ 2లో కోట్లాది రూపాయలతో అభివృద్ది చేస్తున్న విలువైన స్థలం వైఎస్‌ఆర్‌ కాంగ్రెస్‌ పార్టీ నేత దేవినేనికి చెందినదని తేలింది.
అవినాష్, మాజీ మంత్రి దివంగత దేవినేని రాజశేఖర్ అలియాస్ నెహ్రూ కుమారుడు.
నివేదికల ప్రకారం, ఈ భూమి వాస్తవానికి దేవినేని రాజశేఖర్‌కు చెందినది, ఆయన ఆ స్థలాన్ని ఆరుగురి పేరు మీద నమోదు చేసుకున్నాడు, వారందరూ చిరుపామలను చూస్తే అంతా కూడా పేద కుటుంబాలకు చెందినవారిగా ఐటీ శాఖ కనుగొంది.
ఈ వ్యక్తులు దేవినేని ఆస్తులకు బినామీ భూములుగా వ్యవహరిస్తున్నారని ప్రత్యేకంగా చెప్పనవసరం లేదు.రాజశేఖర్ మరణానంతరం, ఈ ఆరుగురు బినామీ భూయజమానులు దేవినేని అవినాష్‌కు వివాహం సమయంలో తమ భూములను బహుమతి పత్రాల ద్వారా బదిలీ చేశారని తెలుస్తోంది.
తరువాత, బంజారాహిల్స్‌లో నివాస మరియు వాణిజ్య అపార్ట్‌మెంట్లను నిర్మించడానికి అవినాష్ భూమిని వంశీరామ్ బిల్డర్స్‌కు ఇచ్చాడు, ఈ ప్రాజెక్ట్ ఇప్పుడు వందల కోట్ల రూపాయలతో నడుస్తుంది.నిర్దిష్ట సమాచారం ఆధారంగా, బినామీ లావాదేవీల (నిషేధాలు) చట్టం, 1988 కింద ఐటి శాఖ బినామీ నిషేధ విభాగం ఈ ఆస్తిని అటాచ్ చేసింది .ఆరుగురు బినామీల స్టేట్‌మెంట్‌లను రికార్డ్ చేసిన తర్వాత అవినాష్‌కు షోకాజ్ నోటీసులు జారీ చేసింది.దీనిని అవినాష్ తెలంగాణ హైకోర్టులో సవాల్ చేశారు.
ఇది ఇంకా కోర్టులో ఉండగా.డెవలప్‌మెంట్ ఒప్పందంలో భాగంగా వంశీరామ్ బిల్డర్స్ అవినాష్‌కు ఎలా చెల్లింపులు జరిపారు, అంతకుముందు ఆరుగురు బినామీలు అవినాష్ నుండి ఎలాంటి ప్రయోజనాలను పొందారు అనే పత్రాలను ఇప్పుడు ఐటీ అధికారులు పరిశీలిస్తున్నట్లు సంబంధిత వర్గాలు తెలిపాయి.
తెలుగు వార్త విశేషాలు సులభముగా తెలుసుకోండి!!!!
