ఇంట్లో చీమ‌లు ఇరిటేట్ చేస్తున్నాయా..?అయితే ఈ టిప్స్ మీకే!

చీమ‌లు ఎంత‌గా ఇరిటేట్ చేస్తాయో ప్ర‌త్యేకంగా చెప్ప‌క్క‌ర్లేదు.ఏదైనా ఆహారం కింద ప‌డితే చాలు.

తండోప తండాలుగా చీమలు వ‌స్తూనే ఉంటాయి. స్వీటు, హాట్లు అని తేడా లేకుండా.

అన్నింటిపైనా ఈ చీమ‌లు దండెత్తేస్తాయి.అలాగే గడపలు, గోడలు ఇలా ప్రతి దాన్లోనూ కన్నాలు పెట్టి నాశ‌నం చేస్తాయి.

అయితే ఈ చీమ‌ల బెడ‌ద త‌ట్టుకోలేక‌.కొంద‌రు మందులు వేసి వాటిని చంపేస్తారు.

కానీ, మన పర్యావరణాన్ని కాపాడ‌టంలో చీమ‌లు కూడా ముఖ్య పాత్ర పోషిస్తున్నారు.అందుకే వాటిని చంప‌డం క‌న్నా ఇంట్లో నుంచి బ‌య‌ట‌కు త‌రిమి కొట్ట‌డ‌మే మేలు.

మ‌రి అందుకోసం ఏం చేయాలి అన్న‌ది ఇప్పుడు తెలుసుకుందాం.మాన‌వులు మెచ్చే దాల్చిన చెక్క వాసన చీమ‌ల‌కు గిట్ట‌నే గిట్ట‌దు.

అందుకే చీమలు వచ్చే కన్నాల దగ్గర దాల్చిన చెక్క పొడి జిమ్మితే అవి పరార్ అవుతాయి.వాట‌ర్‌లో దాల్చిన చెక్క పొడి క‌లిపి ఆ నీటిని పోసినా చీమ‌లు వెళ్లిపోతాయి.

నిమ్మ ర‌సం కూడా చీమ‌ల బెడ‌ద‌ను త‌గ్గించుకోవ‌చ్చు.నిమ్మ ర‌సాన్ని చీమలు ఎక్కువగా ఉన్న ప్రాంతంలో జ‌ల్లితే వెంట‌నే అవి వేరే దారి చూసుకుంటాయి.