హిందుస్థాన్ కోకాకోలా బేవ‌రేజ‌స్ సంస్థ హెచ్ సీ సీ బీ తెలంగాణలో 1000 కోట్ల రూపాయల పెట్టుబడులు పెట్టేందుకు ముందుకు వచ్చింది.ఈ మేరకు మంత్రి కేటీఆర్ తో సంస్థ ఛైర్మెన్ సీఈఓ సమావేశం అయ్యారు.
తెలంగాణ రాష్టంలోని సిద్దిపేట జిల్లా బండ తిమ్మాపూర్‌ ఆహార శుద్ధి పార్క్ లో తమ రెండవ ఫ్యాక్టరీని ఏర్పాటు చేయనున్నట్లు మంత్రి కేటీఆర్ తో సమావేశం అనంతరం హెచ్సీసీబీ చైర్మన్ సీఈఓ నీరజ్ గార్గ్ ప్రకటించారు.
ఈ సందర్భంగా ఘన వ్యర్థాలు, వ్యర్థ జలాల నిర్వహణ, నైపుణ్య శిక్షణ వంటి అంశాలపై రాష్ట్ర ప్రభుత్వం మరియు హిందుస్థాన్ కోకాకోలా బెవరేజెస్ అవగాహన ఒప్పందాన్ని కుదుర్చుకున్నామని ప్రకటించారు.
