హాలీవుడ్ రౌడీ హీరో విజయ్ దేవరకొండ మనందరికీ సుపరిచితమే.తెలుగులో పలు సినిమాలలో నటించి హీరోగా తనకంటూ ప్రత్యేక గుర్తింపు తెచ్కుకున్నాడు.
ఇక అర్జున్ రెడ్డి సినిమాతో ఓవర్ నైట్ స్టార్ గా మారిపోయాడు విజయ్ దేవరకొండ.అర్జున్ రెడ్డి ఒక్క సినిమాతో యూత్ లో మంచి క్రేజ్ ను సంపాదించుకునే యూత్ ఐకాన్ గా మారాడు.
ఇక ఆ తర్వాత వచ్చిన గీతా గోవిందం, టాక్సీవాలా సినిమాలతో మరింత గుర్తింపు సంపాదించుకున్నాడు.ఇక భారీ అంచనాల నడుమ విడుదలైన డియర్ కామ్రేడ్ సినిమా భారీగా నిరాశపరిచింది.
ఇక ఈ సినిమాకు భరత్ కమ్మ దర్శకత్వం వహించిన విషయం తెలిసిందే.2019 జూలై 26న విడుదల అయింది.ఇక ఇందులో రష్మిక మందన, విజయ్ దేవరకొండ కెమిస్ట్రీ బాగానే వర్కౌట్ అయినప్పటికీ సినిమా మాత్రం ఫ్లాప్ అయ్యింది.ఇది ఇలా ఉంటే డియర్ కామ్రేడ్ సినిమాను హిందీ వెర్షన్ సినిమాను 2020 జనవరి 19న యూట్యూబ్ లో రిలీజ్ చేసిన విషయం తెలిసిందే.
ఇక ఈ సినిమా విడుదలైన 24 గంటల్లోనే 12 మిలియన్ వ్యూస్ సాధించి రికార్డును సృష్టించింది.అంతేకాకుండా తెలుగులో ప్లాప్ అయిన ఈ సినిమా ఇందులో మాత్రం సూపర్ హిట్ టాక్ ని తెచ్చుకుంది.
డియర్ కామ్రేడ్ సినిమా యూట్యూబ్ లో రెండేళ్ల క్రితం విడుదల చేశారు.ఇప్పటి వరకు ఈ సినిమా 300 మిలియన్ల వ్యూస్ ని రాబట్టి యూట్యూబ్ ని షేక్ చేస్తోంది.ఇక ఇప్పటి వరకు రెండు తెలుగు చిత్రాలు హిందీలో డబ్బింగ్ అయ్యి 300 మిలియన్ ల వ్యూస్ ని సాధించాయి.అందులో ఒకటి బోయపాటి అల్లు అర్జున్ కాంబినేషన్ లో వచ్చిన సరైనోడు సినిమా కాగా, మరొకటి బెల్లంకొండ శ్రీనివాస్ హీరోగా నటించిన జయ జానకి నాయక సినిమాలు హిందీలో రిలీజ్ అయ్యి ఈ ఘనతను సాధించాయి.
తాజాగా ఆ జాబితాలోకి డియర్ కామ్రేడ్ సినిమా కూడా చేరింది.