గల్ఫ్ కష్టాలు : ఎంపీ చొరవతో ఎట్టకేలకు స్వదేశానికి చేరుకున్న ఐదుగురు మహిళలు

అలా దేశం కానీ దేశంలో యజమాని చెరలో మగ్గిపోయి ఎట్టకేలకు స్వదేశం చేరుకుంది ప్రీతమ్ కౌర్( Pritam Kaur ) (పేరు మార్చాం).ఆమె ఒమన్‌లో ఎన్నో కష్టాలు అనుభవించింది.సగం ఆహారం, సగం జీతంతో ఇబ్బందులు పడి ఓ గురుద్వారాను చేరుకుని అక్కడి నుంచి భారతదేశానికి రాగలిగింది.

రాజ్యసభ సభ్యుడు బల్బీర్ సింగ్ సీచెవాల్ ( Balbir Singh Seechewal )ప్రత్యేకంగా చొరవ తీసుకుని ప్రీతమ్ కౌర్, మరో నలుగురిని క్షేమంగా స్వదేశానికి తీసుకొచ్చారు.మస్కట్, ఒమన్‌లలో( Muscat, Oman ) భారీ జీతాలు ఆశపెట్టి వీరు ఐదుగురిని ట్రావెల్ ఏజెంట్లు బుట్టలో వేసుకున్నారు.

తీరా అక్కడికి వెళ్లాక గానీ తాము మోసపోయినట్లు వీరు గ్రహించలేకపోయారు.గంటల తరబడి పనిచేయించుకుని తక్కువ జీతాన్ని వీరి చేతిలో పెట్టారు.దీనికి తోడు శారీరకంగా, మానసికంగా వేధింపులు సైతం ఎదుర్కొన్నారు.

ఈ ఐదుగురు బాధితులు పంజాబ్‌లోని జలంధర్, ఫిరోజ్‌పూర్, మోగా, కపుర్తలా జిల్లాలకు చెందినవారు.ఈ ఏడాది ఆగస్ట్ 23 నుంచి ఇప్పటి వరకు గల్ఫ్ దేశాల్లో మగ్గుతున్న దాదాపు 15 మంది బాధితులను ఎంపీ సీచెవాల్ వెనక్కి తీసుకొచ్చారు.ఈ సందర్భంగా ఆయన మాట్లాడుతూ.

ట్రావెల్ ఏజెంట్ల మోసాలపై ప్రజలు అవగాహన కలిగి వుండాలన్నారు.భారత ప్రభుత్వం, గల్ఫ్ దేశాల్లోని భారత రాయబార కార్యాలయాల మద్ధతుతో 15 మంది మహిళలను వెనక్కి తీసుకొచ్చానని ఎంపీ చెప్పారు.15 మందిలో 13 మంది ఒమన్ నుంచి, ఇద్దరు ఇరాక్ నుంచి వచ్చినట్లుగా సీచెవాల్ తెలిపారు.