ఫ్లిప్‌కార్ట్ బంపరాఫర్.. దీపావళి షాపోత్సవ్ పేరుతో భారీ డిస్కౌంట్లు..

ఈ సేల్ స్మార్ట్‌ఫోన్‌లు, టీవీ & ఇతర ఎలక్ట్రానిక్ ఉత్పత్తులపై భారీ తగ్గింపులు, ఎక్స్ఛేంజ్ ఆఫర్‌లను కూడా అందిస్తుంది.వాటితో పాటు వివిధ బ్యాంకుల క్రెడిట్ లేదా డెబిట్ కార్డులను ఉపయోగించి కూడా డిస్కౌంట్లు పొందొచ్చు. కొటక్ మహీంద్రా, ఎస్‌బీఐ క్రెడిట్ ( Kotak Mahindra, SBI Credit )కార్డులతో అదనంగా 10 శాతం డిస్కౌంట్లు పొందే అవకాశం ఉంది.

అంతేకాకుండా, సేల్ సమయంలో కస్టమర్‌లు పేటీఎం, యూపీఐ, ఇతర వాలెట్ లావాదేవీల ద్వారా కూడా ఆఫర్లు పొందుతారు.ఈ వారం ప్రారంభంలో ముగిసిన పండుగ సీజన్ మొదటి వారంలో ఈ-కామర్స్ కంపెనీలు స్థూల విక్రయాల్లో 19 శాతం వృద్ధిని నమోదు చేసి దాదాపు రూ.47,000 కోట్లకు చేరుకున్నాయని ఒక నివేదిక తెలిపింది.మార్కెట్ రీసెర్చ్ సంస్థ రెడ్‌సీర్ స్ట్రాటజీ కన్సల్టెంట్స్ నివేదిక ప్రకారం, ఫ్లిప్‌కార్ట్, మైంత్రా మరియు షాప్సీలతో కూడిన ఫ్లిప్‌కార్ట్ గ్రూప్ మొదటి వారంలో స్థూల మర్చండైజ్ వాల్యూ (జిఎమ్‌వి)లో దాదాపు 63 శాతం వాటాతో సేల్స్‌లో ముందుంది.దాదాపు రూ.29,610 వ్యాపారాన్ని జరిపినట్లు తెలుస్తోంది.