సినిమా ఇండస్ట్రీలో ఎంతో అనుభవం ఉన్నవాళ్లు అయినా ఏ సినిమా సక్సెస్ అవుతుందో ఏ సినిమా ఫ్లాప్ అవుతుందో అంచనా వేయలేరు.కళ్యాణ్ రామ్( Nandamuri KalyanRam ) సినీ కెరీర్ లో హిట్లు ఏ స్థాయిలో ఉన్నాయో ఫ్లాప్ సినిమాలు సైతం అదే స్థాయిలో ఉన్నాయి.
కళ్యాణ్ రామ్ కెరీర్ తొలినాళ్లలో నటించిన సినిమాలలో విజయదశమి సినిమా( Vijayadasami ) కూడా ఒకటి.ఈ సినిమా గురించి కళ్యాణ్ రామ్ అభిమానులకు సైతం పెద్దగా తెలియదు.
తమిళ మూవీ శివకాశికి రీమేక్ గా ఈ సినిమా తెరకెక్కింది.ప్రముఖ దర్శకుడు సముద్ర ఈ సినిమాకు దర్శకత్వం వహించారు.ఈ సినిమాలో వేదిక( Vedhika ) హీరోయిన్ గా నటించారు.సాయి సర్వజిత్ మూవీస్ బ్యానర్ పై ఈ సినిమా తెరకెక్కగా ఈ సినిమా నిర్మాతలకు నష్టాలను మిగిల్చింది.
ఈ సినిమా గురించి దర్శకుడు సముద్ర ఒక ఇంటర్వ్యూలో మాట్లాడుతూ షాకింగ్ కామెంట్లు చేశారు.కళ్యాణ్ రామ్ చెప్పడం వల్లే ఆ సినిమాకు డైరెక్షన్ చేశానని ఆయన అన్నారు.
నేను స్ట్రెయిట్ కథ చెబితే కళ్యాణ్ రామ్ తనకు నచ్చిన కథను రీమేక్ చేయాలని సూచించారని సముద్ర పేర్కొన్నారు.ఆ సినిమా ఫ్లాప్ అయితే కళ్యాణ్ రామ్ ఎగ్జిక్యూషన్ లోపం అని చెప్పారని సముద్ర కామెంట్లు చేశారు.విజయదశమి సినిమా( Vijayadasami movie ) కళ్యాణ్ రామ్ కు సూట్ కాదని నేను చెప్పానని ఆయన పేర్కొన్నారు.విజయదశమి ఫ్లాప్ బరువును నేను మోయాలి వచ్చిందని సముద్ర పేర్కొన్నారు.
కథ నాదే అయితే ఆ సినిమా హిట్, ఫ్లాప్ కు నేను కారణమని చెబుతానని ఆయన తెలిపారు.సక్సెస్ అయితే హీరోకు క్రెడిట్ దక్కుతోందని సినిమా ఫ్లాపైతే దర్శకులను నిందిస్తున్నారని దర్శకుడు సముద్ర అన్నారు.
దెబ్బ తిన్న నిర్మాతలకు ఛాన్స్ ఇవ్వడానికి హీరోలు సిద్ధంగా లేరని ఆయన తెలిపారు.
