తన తల్లిని ఏలియన్స్ కిడ్నాప్ చేశాయంటూ కూతురు షాకింగ్ కామెంట్స్..!

గ్రహాంతర వాసులు( Aliens ) అసలు ఉన్నారా? అనే ప్రశ్న ఎప్పటినుంచో చాలామంది అడుగుతున్నారు.

ఈ విషయాన్ని తెలుసుకునేందుకు శాస్త్రవేత్తలు( Scientists ) ట్రై చేస్తున్నారు కూడా.

అయితే కొందరు తాము ఏలియన్స్ చూసామని, లేదంటే ఏలియన్స్ గురించి తమకు కొన్ని విషయాలు తెలుసు అని షాకింగ్ కామెంట్లు చేస్తూ వైరల్ అవుతున్నారు.తాజాగా రెడిట్‌లోని ఒక మహిళ మాట్లాడుతూ గ్రహాంతరవాసులు చిన్నతనంలో తల్లిని, ఆమె స్నేహితురాలు లిసాను తీసుకువెళ్లారని ఆమె ఆరోపించింది.

ఆమె వింత కథనంపై పలువురు వ్యాఖ్యానించారు.తన తల్లి గ్రహాంతరవాసుల గురించి ప్రతిదీ మరచిపోయిందని, కానీ లిసా నాలుగు సార్లు గ్రహాంతరవాసులు తీసుకువెళ్లినట్లు గుర్తుచేసుకుందని ఆమె చెప్పింది.

తన తల్లి, లిసా( Lisa ) ఒక రాత్రి టెర్రస్‌పై ఉన్నారని, అదే సమయంలో వారు ఆకాశంలో ప్రకాశవంతమైన కాంతిని చూశారని, అక్కడి నుంచి వాళ్లు మాయమైపోయారని ఆమె వివరించింది.కొద్దిసేపు మాత్రమే పైకప్పుపై ఉన్నామని వారు భావించారని, కానీ వాస్తవానికి మూడు గంటల దాక వారు అక్కడ ఉన్నారని, ఆ సమయంలో వారిని ఏలియన్స్ కిడ్నాప్ చేశారని ఆమె తెలిపింది.