మాణికం ఠాగూర్ పై కాంగ్రెస్ నేతల గుర్రు

తెలంగాణ రాష్ర్ట వ్యవహారాల ఇన్చార్జ్గా కొత్తగా ఠాగూర్ బాధ్యతలు చేపట్టడం ఆ తర్వాత వెంటనే దుబ్బాక ఉప ఎన్నికలు రావడం తెలిసిందే.టిఆర్ ఎస్ రెండవ సారి అధికారంలోనికి వచ్చిన తర్వాత తొలి ఉప ఎన్నికకావడం అలాగే ముఖ్యమంత్రి కెసిఆర్ ప్రతినిధ్యం వహిస్తున్న సిద్ధిపేట జిల్లాలో ఉప ఎన్నికలు రావడంతో ఠాగూర్ దీనిని ప్రతిష్ఠత్మకంగా తీసుకున్నారు.తాను ఇన్ఛార్జ్గా బాధ్యతలు తీసుకున్న తర్వాత తొలి ఎన్నికలు కావడంతో తన సత్తా చాటాలని, తద్వారా జాతీయ నాయకత్వంతో శభాష్ అనిపించుకోవాలని మాణిక్కం ఠాగూర్ అనుకున్నారు.

అందుకే దుబ్బాక ఎన్నికల్లో పెద్ద హడావిడే చేశారు.ఉప ఎన్నికల్లో గెలిచేందుకు మాణిక్కం ఠాగూర్ చేసిన హడావిడి అంతా ఇంతా కాదు.ఈ హడావిడి అంతా చూసి ఇక హస్తంలో కాస్త మార్పు వచ్చిందని, నేతల మధ్య అభిప్రాయ బేధాలు ఉన్నప్పటికీ అంతా ఒక వేదిక మీదకు రావడం ఆ పార్టీ వర్గాల్లో కొంత జోష్ నింపింది.ఇక్కడి వరకు అంతా బాగానే ఉన్నది.

కానీ దుబ్బాక ఫలితాల తర్వాత ఆ జోష్ కనుమరుగైంది.ఉన్న నేతలే మెల్ల మెల్లగా చే జారుతున్నారు.

నిత్యం కాంగ్రెస్కు వీరవిదేయులుగా ఉన్న వారు కూడా కాంగ్రెస్ను వీడేందుకు సిద్ధపడ్డారు.దీంతో దీనికంతటికీ మాణిక్కం ఠాగూర్ కారణమనే అభిప్రాయానికి కాంగ్రెస్ నేతలు వచ్చారు.

సాక్షాత్తూ టిపిసిసి ముఖ్యనేతల్లో ఒకరిద్దరు మాణిక్కం ఠాగూర్ పై తీవ్ర అసహానం, అసంతృప్తి వ్యక్తం చేసినట్టు తెలిసింది.