హైదరాబాద్ లో డ్రగ్స్ కలకలం.. గోవా నుంచి తరలిస్తుండగా సీజ్

హైదరాబాద్ లో మరోసారి డ్రగ్స్ కలకలం చెలరేగింది.

గోవా నుంచి హైదరాబాద్( Goa to Hyderabad ) కు బస్సులో అక్రమంగా డ్రగ్స్ తరలిస్తుండగా సైబరాబాద్ ఎస్ఓటీ పోలీసులు పట్టుకున్నారు.

ఈ క్రమంలో ఐదుగురిని ఎస్ఓటీ పోలీసులు అదుపులోకి తీసుకున్నారు.అనంతరం నిందితుల నుంచి నాలుగు గ్రాముల ఎండీఎంఏ, ఐదు గ్రాముల గంజాయిని ( MDMA, five grams of marijuana ) స్వాధీనం చేసుకున్నారు.

ఈ వ్యవహారంలో ప్రధాన నిందితుడిగా ఉన్న నాగరాజు గత మూడు నెలలుగా గోవాలోని ఓ పబ్ లో ఈవెంట్ ఆర్గనైజర్ గా పని చేస్తున్నాడని తెలుస్తోంది.ఈ క్రమంలోనే ఈ నెల 4న నాగరాజు, అతని స్నేహితులు గోవాకు వెళ్లి డ్రగ్స్ కొనుగోలు చేశారని సమాచారం.

విషయం తెలుసుకున్న పోలీసులు నిందితులను అదుపులోకి తీసుకుని డ్రగ్స్ ను స్వాధీనం చేసుకున్నారు.డ్రగ్స్ ముఠాలో ఎవరెవరు ఉన్నారనే కోణంలో పోలీసులు దర్యాప్తు చేస్తున్నారు.