వడగండ్ల వర్షంతో నష్టపోయిన రైతులకు నష్టపరిహారం ఇవ్వాలి - కాంగ్రెస్ పార్టీ నాయకులు

రాజన్న సిరిసిల్ల జిల్లా ఎల్లారెడ్డిపేట మండలంలో వడగండ్ల వానతో నష్టపోయిన రైతులకు ప్రభుత్వం ఆదుకోవాలని మండల కాంగ్రెస్ పార్టీ అధ్యక్షులు దొమ్మాటి నర్సయ్య సోమవారం డిమాండ్ చేశారు.

ఈ సందర్భంగా మండల కేంద్రంతో పాటు రాచర్ల బొప్పాపూర్, కోరుట్ల పేట,ఎల్లారెడ్డిపేట వరి పంటలను పరిశీలించారు.

వడగండ్ల వాన వలన రైతులకు సుమారు 40 నుంచి 60 శాతం వరకు నష్టం జరిగిందన్నారు.రైతులు వరి పంటకు కావలసిన పెట్టుబడి అంతా పెట్టి తీరా చేతికి వచ్చే సమయానికి నష్టం జరగడం పట్ల తీవ్ర ఆవేదన వ్యక్తం చేశారు.

ఈ ప్రభుత్వం గత తొమ్మిది సంవత్సరాల నుండి ఎన్ని సర్వేలు జరిపిన రైతులకు ఇప్పటివరకు ఒక్క రూపాయి కూడా నష్టపరిహారం చెల్లించలేదన్నారు.