దక్షిణాది నుంచి ప్రధాని నరేంద్ర మోదీ పోటీ చేసే స్థానంపై పలు ఊహాగానాలు వినిపిస్తున్నాయి.కొద్దిరోజుల క్రితం తమిళనాడులోని రామనాథపురం నుంచి పోటీ చేస్తారని విన్నాం, ఇప్పుడు తెలంగాణా నుండి పోటి చేస్తారని కూడా వినిపిస్తోంది.తెలంగాణలోని పాలమూరు నుంచి పోటీ చేయాలని మోడీ భావిస్తున్నట్లు రాజకీయ వర్గాల్లో గుసగుసలు వినిపిస్తున్నాయి.2018లో బీఆర్ఎస్ రెండోసారి అధికారంలోకి వచ్చింది.ఆ తర్వాత ఆరు నెలల కింద జరిగిన పార్లమెంట్ ఎన్నికల్లో బీజేపీ నాలుగు సీట్లు గెలుచుకోగలిగింది.2023లో తెలంగాణలో బీజేపీ విజయం సాధిస్తుందని.ఆ తర్వాత ఆరు నెలల కింద జరిగే పార్లమెంట్ ఎన్నికల్లో మెజారిటీ సీట్లను క్లీన్ స్వీప్ చేయాలని ఆ పార్టీ భావిస్తోంది.పాలమూరు నుంచి ప్రధాని పోటీ చేస్తే ఆ ప్రభావం రాష్ట్రం మొత్తం మీద పడుతుందన్నారు.
ముందుగా ప్రకటన వెలువడితే అసెంబ్లీ ఎన్నికలపై కూడా సానుకూల ప్రభావం చూపుతుందని బీజేపీ భావిస్తుంది.
ఇక ముఖ్యమంత్రి కే చంద్రశేఖర్ రావు వచ్చే ఎన్నికల్లో కరీంనగర్ సెగ్మెంట్ నుంచి పోటీ చేయనున్నారనే పుకార్లు ఉత్కంఠ రేపుతున్నాయి.
టీఆర్‌ఎస్ అధిష్టానం కరీంనగర్‌కు అపారమైన సెంటిమెంట్ విలువను ఇస్తుందని ప్రతి ఎన్నికలలో తన నియోజకవర్గాన్ని మారుస్తారనే వాస్తవం ఈ పుకార్లకు బలం చేకూరుస్తోంది.అలాగే, ఇటీవల ఆయన కుమార్తె, ఎమ్మెల్సీ కె.కవిత నియోజకవర్గాన్ని సందర్శించడం కూడా ఒక ప్రయత్నంగా కనిపిస్తుంది.ఆమె తండ్రి కోసం ఈ స్థానాన్ని సిద్ధం చేస్తున్నట్లు తెలుస్తుంది.
కవిత ఇటీవలి పర్యటన తన వ్యక్తిగత హోదాలో ఉన్నప్పటికీ, ఆమె నియోజకవర్గంలో పార్టీ స్థితిగతులను అడిగి తెలుసుకున్నారు, కొంతమంది పార్టీ నాయకులు, రాజకీయేతర నాయకులను కూడా ఆమెను కలిశారు. కవిత తెలంగాణ జాగృతి నియోజకవర్గంలో పలు కార్యక్రమాలను నిర్వహిస్తూ చురుగ్గా వ్యవహరిస్తోంది.
బిజెపి రాష్ట్ర అధ్యక్షుడు బండి సంజయ్ కుమార్ కూడా కరీంనగర్ లేదా వేములవాడ అసెంబ్లీ నియోజకవర్గం నుండి పోటీ చేయాలని యోచిస్తున్నన్నట్లు కాషాయ పార్టీ వర్గాలు తెలిపాయి.
