కొత్త ఏడాదిలోపు ఈ వస్తువులు ఇంటికి తెచ్చుకుంటే సిరి సంపదలు మీ వెంటే?

మరికొన్ని రోజులలో కొత్త ఏడాది రానుండడంతో కొత్త ఏడాది పై ప్రతి ఒక్కరు ఎన్నో ఆశలు పెట్టుకొని ఉంటారు.

ఈ ఏడాది చాలామంది వివిధ రకాలుగా ఎన్నో కష్టాలను ఎదుర్కొని ఉండడం వల్ల వచ్చే ఏడాది అయినా జీవితంలో వెలుగులు నిండాలని ప్రతి ఒక్కరూ భావిస్తూ ఉంటారు.

ఈ క్రమంలోనే కొత్త ఏడాది అంతా శుభప్రదంగా సిరిసంపదలతో కొనసాగాలంటే కొన్ని రకాల శుభకరమైన వస్తువులను ఇంటికి తెచ్చుకోవడం ఎంతో ఉత్తమమని పండితులు చెబుతున్నారు.మరి కొత్త ఏడాది వచ్చే లోగా ఏ రకమైన వస్తువులను ఇంటికి తెచ్చుకోవాలో ఇక్కడ తెలుసుకుందాం.

శుభకార్యాలలో ఎంతో పవిత్రంగా భావించే స్వస్తిక్ చిహ్నం ఇంట్లో ఉండటం ఎంతో శుభకరం అని పండితులు చెబుతున్నారు.ఈ క్రమంలోనే వచ్చే ఏడాది మనకు మంచిగా జరగాలంటే కొత్త సంవత్సరం వచ్చేలోగా స్వస్తిక్ చిహ్నాన్ని ఇంట్లో పెట్టుకోవడం మంచిది.

అలాగే హిందువులు ఎంతో పవిత్రంగా భావించే మొక్కలలో తులసి మొక్క ఒకటి.అందుకే ప్రతి ఒక్కరు తులసి మొక్కను ఇంట్లో పెట్టుకుని పూజ చేస్తుంటారు.

తులసి మొక్క ఇంట్లో ఉన్నప్పుడు కుటుంబంలో ఎలాంటి లోటు లేకుండా ఇంట్లో ధనధాన్యాలతో సిరి సంపదలతో కళకళలాడుతూ ఉంటుంది.కనుక ప్రతి ఒక్క ఇంటి ఆవరణంలో తులసి మొక్కను ఉంచడం ఉత్తమం.