సోషల్ మీడియా ద్వారా ఎంతో మంది సెలబ్రిటీలుగా మంచి గుర్తింపు సంపాదించుకున్నారు.ఇలా సోషల్ మీడియా వేదికగా తమలో ఉన్నటువంటి టాలెంట్ బయటపెట్టి ఇండస్ట్రీలో సెలబ్రిటీ లాగా మారిపోయినటువంటి వారిలో బిగ్ బాస్ ఆదిరెడ్డి( Adi Reddy ) ఒకరు.
ఒకప్పుడు పూట గడవడమే కష్టంగా ఉన్నటువంటి ఈ కుటుంబ పరిస్థితులలో నుంచి ఈయన నేడు ఎందరికో ఆదర్శంగా స్టార్ సెలబ్రిటీగా మారిపోయారు.
బీటెక్ పూర్తి చేసినటువంటి ఆదిరెడ్డి చిన్న ఉద్యోగం చేసుకుంటూ ఉండేవారు అయితే అప్పుడే బిగ్ బాస్ ( Bigg Boss ) కార్యక్రమం ప్రారంభం అయింది.
ఇలా ఈ కార్యక్రమాన్ని చూస్తూ ఈ కార్యక్రమాలకు రివ్యూ ఇస్తూ సోషల్ మీడియాలో పోస్టులు చేసేవారు.అయితే ఈయన పోస్టులకు ఎంతో మంచి ఆదరణ లభించింది ముఖ్యంగా ఈయన వాయిస్ లో బేస్ ఉండటంతో ఈయన యూట్యూబ్ ఛానల్ కు ఫాలోవర్స్ కూడా భారీ స్థాయిలోనే పెరిగిపోయారు.
ఇలా యూట్యూబర్ గా ఆదిరెడ్డికి ఎంతో బిజీగా మారిపోయారు.ప్రతి సీజన్ కి రివ్యూ ఇవ్వడమే కాకుండా తన వ్యక్తిగత విషయాలను కూడా వీడియోల రూపంలో తెలియజేస్తూ యూట్యూబ్ ద్వారా అభిమానులతో పంచుకునేవారు.అయితే సీజన్ 6 కార్యక్రమంలో ఈయనకు ఏకంగా కంటెస్టెంట్ గా పాల్గొనే అవకాశం వచ్చింది.ఈ కార్యక్రమం ద్వారా మరింత పాపులారిటీ సొంతం చేసుకున్నారు.ఇకపోతే ఆదిరెడ్డి మాత్రమే కాకుండా తన భార్య కవిత చెల్లెలు కూడా యూట్యూబ్ ఛానల్ ప్రారంభించి వాళ్లు కూడా భారీగానే సంపాదిస్తున్నారు.ఇక ఈయన సీజన్ సెవెన్ రివ్యూ ఇస్తూ ఏకంగా నెలకు లక్షల్లో ఆదాయం పొందినట్టు ఇటీవల వెల్లడించారు.
బిగ్ బాస్ కార్యక్రమం ప్రసారమవుతున్నటువంటి సమయంలో ఆదిరెడ్డి రివ్యూ ఇస్తూ ఏకంగా 30 లక్షల రూపాయలు నెలకు సంపాదన రాబట్టారని ఆయన స్వయంగా వెల్లడించారు.ఇలా కష్టపడుతూ ప్రతి రూపాయి రూపాయి సంపాదిస్తూ ఆదిరెడ్డి తన సొంత ఇంటి కలను నెరవేర్చుకున్నారని చెప్పాలి.
తన యూట్యూబ్ ఛానల్ ద్వారా తన సొంత ఇంటి నిర్మాణ పనులను తెలియజేస్తూ ఈయన వీడియోలు చేసేవారు.ఇలా ఎప్పటికప్పుడు తన ఇంటికి సంబంధించిన వీడియోలను చేసే ఆదిరెడ్డి తాజాగా గృహప్రవేశ కార్యక్రమానికి సంబంధించిన వీడియోని కూడా చేశారు.అయితే పెద్ద ఎత్తున సెలెబ్రిటీలను ఆహ్వానించుకున్న కేవలం కుటుంబ సభ్యులు మాత్రమే ఈ గృహప్రవేశ కార్యక్రమానికి హాజరయ్యారని తెలుస్తోంది.ఇంకా ఇంటి పనులు జరుగుతూ ఉండగానే ఈయన గృహప్రవేశం ( House Warming )చేశారని తెలుస్తోంది.
ఇలా గృహప్రవేశ కార్యక్రమానికి సంబంధించిన వీడియోని సోషల్ మీడియాలో షేర్ చేయడంతో ఇది కాస్త వైరల్ గా మారింది.విద్యుత్ దీపాలంకరణతో ఆదిరెడ్డి ఇల్లు ఒక ఇంద్ర భవనంలో మెరిసిపోతుందని చెప్పాలి.
సుమారు రెండు అంతస్తులలో ఈయన ఎంతో అద్భుతంగా ఈ ఇంటిని నిర్మించారు.అయితే త్వరలోనే ఆదిరెడ్డి తన హోమ్ టూర్ వీడియోని కూడా చేసే అవకాశాలు ఉన్నాయని స్పష్టంగా తెలుస్తుంది.
ప్రస్తుతం ఇందుకు సంబంధించిన వీడియో వైరల్ అవుతుంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
