నిర్మాత కేపీ చౌదరి అరెస్టుతో సినీ రంగంలో గుబులు..!!

నిర్మాత కేపీ చౌదరి అరెస్టుతో సినీ పరిశ్రమలో మరోసారి డ్రగ్స్ వ్యవహారం తెరపైకి వచ్చిన సంగతి తెలిసిందే.డ్రగ్స్ దందాలో సినీ రంగానికి లింకులున్నట్లు తెలుస్తోంది.

ఇందులో భాగంగా డ్రగ్స్ ఫెడ్లర్ రోషన్ ను పోలీసులు విచారించారు.అనంతరం డ్రగ్స్ వ్యవహారంపై పోలీసుల విచారణలో కీలక విషయాలు వెలుగులోకి వచ్చాయి.

గోవా, హైదరాబాద్ లో కేపీ చౌదరి ప్రైవేట్ పార్టీలు నిర్వహించినట్లు గుర్తించారు.ఈ క్రమంలోనే ఆయన వద్ద నుంచి నాలుగు సెల్ ఫోన్లను స్వాధీనం చేసుకున్న పోలీసులు కేపీ చౌదరి వాట్సాప్, కాల్ డేటాను పరిశీలిస్తున్నారు.

మరోవైపు డ్రగ్స్ కింగ్ పిన్ గాబ్రియేల్ కోసం పోలీసులు గాలింపు కొనసాగుతోంది.అదేవిధంగా ఈ కేసులో కీలక వ్యక్తులను అరెస్ట్ చేసే అవకాశం ఉందని సమాచారం.