అమెరికాలో ఎంతో మంది తెలుగు వాళ్ళు ఉన్నారు.అమెరికా పౌరసత్వం తో అక్కడే స్థిరపడి ఇండో అమెరికన్స్ గా ఉంటున్న వారి లెక్క చాలానే ఉంది.అయితే అక్కడ ఉండే తెలుగు వాళ్ళు చాలా మంది రాజకీయాల్లో , సినిమా రంగంలో, అమెరికా ప్రభుత్వంలో కీలక పాత్రలు కూడా పోషిస్తున్నారు.ఇదిలాఉంటే….
తాజాగా భారత సంతతికి చెందిన తెలుగు అమ్మాయి అనూష కొండపర్తి కాలిఫోర్నియా డెమోక్రాటిక్ పార్టీ డిస్ట్రిక్ట్ 28 డెలిగేట్ క్యాండిడేట్ ఎన్నికల్లో ఊహించని గెలుపుని అందుకుంది.అంతేకాదు ఈ ఎన్నికల్లో పోటీ చేసిన అతి చిన్న వయస్సు కలిగిన క్యాండిడేట్ గా కూడా ఆమె రికార్డ్ క్రియేట్ చేసింది.చిన్న వయస్సులోనే విజయాన్ని అందుకోవడంపై తెలుగు సంఘాలు ,బే ఏరియా లోని రాజకీయ ప్రముఖులు సైతం ఆమెకి శుభాకాంక్షలు తెలిపారు.
అయితే తనకి కాలేజీ రోజుల నుంచీ రాజకీయాలపట్ల ఆసక్తి ఉండేదని.కొంతమంది రాజకీయ నాయకులతో ఉన్న పరిచయాలతో ఆమె ఈ ఎన్నికల్లో పోటీ చేసినట్టుగా తెలిపారు.అనూష విజయం పట్ల వివిధ తెలుగు సంఘాలు సతోషం వ్యక్తం చేశారు.