Foxconn Project X Car: ఇండియన్ మార్కెట్లోకి ఒకే వరుసలో 3 సీట్లు వుండే ఎలక్ట్రిక్ కారు వచ్చేసింది!

ఇండియన్ మార్కెట్లోకి ఒకదాని తరువాత ఒకటిగా ఎలక్ట్రానిక్ కార్లు వచ్చి చేరుతున్నాయి.

ఈ క్రమంలో ఒకే వరుసలో 3 సీట్లు కలిగిన ఓ ఎలెక్ట్రిక్ వెహికల్ ని తైవాన్‌ ఎలక్ట్రానిక్స్‌ దిగ్గజం ఫాక్స్‌కాన్‌ ప్రవేశ పెట్టింది.

ఈ విషయమై తాజాగా విద్యుత్‌ వాహన కన్సార్షియం, MIH మొదటి కారును 2023లో తీసుకురానున్నట్లు తెలిపారు.ఒకే వరుసలో 3 సీట్లు ఉండే కారును ఫాక్స్‌కాన్‌ బృందం రూపొందించింది.

ఈ కారుకు ‘ప్రాజెక్ట్‌ ఎక్స్‌’ అని పేరు పెట్టడం కొసమెరుపు.ఒకే వరుసలో 3 సీట్లు వుండడం అంటే అదేదో పెద్ద వెహికల్ అని పొరపాటు పడకండి.

ఆసియా దేశాల్లో ఒక సంతానం ఉండే కుటుంబాలకు సరిపోయేలా, అంటే చిన్న కుటుంబాల కోసం ఈ కారును తీసుకు రానుంది.కొనుగోలుదారు తనకు నచ్చే విధంగా ప్రాజెక్ట్‌ ఎక్స్‌తో వాహనాన్ని రూపొందించుకోవచ్చని MIH చీఫ్‌ ఎగ్జిక్యూటివ్‌ జాక్‌ చెంగ్‌ తెలిపారు.ఇక ఈ కారు ధర అక్షరాలా 20,000 డాలర్లు అంటే మన ఇండియన్ కరెన్సీలో దాదాపు రూ.16.5 లక్షలు అన్నమాట.

ఈ కారును తైవాన్‌తో పాటు భారత్‌, ఇండొనేషియా, ధాయ్‌లాండ్‌, జపాన్‌ వంటి దేశాల్లో విక్రయించాలని కంపెనీ యోచిస్తోంది.కరోనా కష్టకాలం తరువాత ఆయిల్స్ రేట్స్ భగ్గుమంటున్న తరుణంలో విద్యుత్ వాహనాలు మనిషికి ప్రత్యామ్నాయంగా మారాయి.దీన్ని దృష్టిలో పెట్టుకొని ఎలక్ట్రానిక్ కంపెనీలు వాహనాలను రూపొందిస్తున్నాయి.

ఈ క్రమంలోనే గత కొన్నేళ్లలో విద్యుత్‌ వాహనాలు, సెమీకండక్టర్ల తయారీపై ఫాక్స్‌కాన్‌ పెట్టుబడులు పెంచుతోంది.ఇప్పటికే అమెరికా సంస్థ ఫిస్కెర్‌ ఇంక్‌, భారత సంస్థ వేదాంతాలతో ఒప్పందాలు ప్రకటించడం కొసమెరుపు.

మరెందుకాలస్యం ఇంటరెస్ట్ వున్నవారు ఇప్పుడే ఆర్డర్ చేయండి.