గుండె జ‌బ్బుల ప్ర‌మాదాన్ని త‌గ్గించే జనపనార గింజ‌లు.. నిత్యం తీసుకుంటే మ‌రెన్నో లాభాలు!

జనపనార గింజ‌లు.( Hemp Seeds ) ఇంగ్లీష్‌లో వీటిని హెంప్ సీడ్స్ అని పిలుస్తారు.

జనపనార గింజలు పోషకమైనవి మరియు ఆరోగ్యకరమైనవి.చూడ‌టానికి చిన్న ప‌రిమాణంలో ఉన్నప్ప‌టికీ జ‌న‌ప‌నార గింజ‌ల్లో పొటాషియం, సోడియం, మెగ్నీషియం, సల్ఫర్, కాల్షియం, ఇనుము, జింక్, భాస్వరం వంటి ఖ‌నిజాల‌తో పాటు విటమిన్ ఇ, ప్రోటీన్, ఫైబ‌ర్‌, ఒమేగా-3, ఒమేగా-6 ఫ్యాటీ యాసిడ్స్ పుష్క‌లంగా ఉంటాయి.

అందువ‌ల్ల ఆరోగ్య ప‌రంగా జ‌న‌ప‌నార గింజ‌లు అనేక ప్ర‌యోజ‌నాల‌ను చేకూరుస్తాయి.ప్ర‌ధానంగా గుండె జ‌బ్బుల ప్ర‌మాదాన్ని( Heart Diseases ) త‌గ్గించే సామ‌ర్థ్యం జ‌న‌ప‌నార గింజ‌ల‌కు ఉంది.

అవును జ‌న‌ప‌నార గింజ‌లు అధిక మొత్తంలో అమినో యాసిడ్ అర్జినైన్ ను క‌లిగి ఉంటుంది.ఇది మీ శరీరంలో నైట్రిక్ ఆక్సైడ్‌ను ఉత్పత్తి చేసి రక్తపోటును అదుపులో ఉంచుతుంది.

గుండె జబ్బులు వ‌చ్చే రిస్క్ ను త‌గ్గిస్తుంది.అలాగే జనపనార గింజ‌లు ప్రోటీన్ యొక్క అద్భుతమైన మూలం.

అందువ‌ల్ల దృఢ‌మైన కండ‌రాల నిర్మాణానికి ఈ గింజ‌లు ఉత్త‌మంగా తోడ్ప‌డ‌తాయి.