ఐకాన్ స్టార్ అల్లు అర్జున్ హీరోగా గ్లామర్ బ్యూటీ రష్మిక మందన్న హీరోయిన్ గా టాలెంటెడ్ డైరెక్టర్ సుకుమార్ దర్శకత్వంలో తెరకెక్కుతున్న సినిమా పుష్ప. ఈ సినిమా క్రిస్మస్ కానుకగా డిసెంబర్ 17న విడుదల చేయడానికి సన్నాహాలు చేస్తున్నారు.
పాన్ ఇండియా స్టార్ గా అల్లు అర్జున్ మొదటిసారి ఎంట్రీ ఇస్తుండడంతో ప్రమోషన్స్ కూడా అదే స్థాయిలో చేయడానికి మేకర్స్ అంత సిద్ధం అయ్యారు.
ఇక ఈ సినిమాను రెండు పార్టులుగా విడుదల చేస్తున్నట్టు మేకర్స్ ఇప్పటికే ప్రకటించారు.
అయితే పుష్ప 1 ఇప్పుడు రిలీజ్ చేసిన తర్వాత కొద్దిగా గ్యాప్ తీసుకుని పార్ట్ 2 ను షూట్ చేయాలనీ మొదటగా భావించారు.ఈ గ్యాప్ లో సుకుమార్ ఒక సినిమా, అల్లు అర్జున్ ఒక సినిమా పూర్తి చెయ్యాలి అని అనుకున్నారు .అయితే తాజాగా సమాచారం ప్రకారం ఈ లెక్కలన్నీ మారిపోయాయని తెలుస్తుంది.
పుష్ప 1 తర్వాత గ్యాప్ తీసుకోవాలని అనుకోవడంతో అల్లు అర్జున్ తన తర్వాత సినిమాను లైనప్ చేసాడు.
కానీ ఇప్పుడు సుకుమార్ పుష్ప పార్ట్ 1 రిలీజ్ అయినా వెంటనే పార్ట్ 2 స్టార్ట్ చెయ్యాలని పట్టుబడుతున్నాడట.ఇప్పటికే పార్ట్ 2 సినిమా కూడా కొద్దిగా షూటింగ్ జరిగింది.ఇంకా స్క్రిప్ట్ కూడా రెడీగానే ఉండడంతో పార్ట్ 2ను వెంటనే చెయ్యాలని సుకుమార్ అల్లు అర్జున్ ను కోరుతున్నాడట.
అందుకే అల్లు అర్జున్ లైనప్ లో మార్పులు జరగబోతున్నాయని తెలుస్తుంది.పుష్ప పార్టు 2 చేసిన తర్వాతనే మరొక సినిమా చేయాలనీ అల్లు అర్జున్ కూడా ఫిక్స్ అయ్యాడట.ఇక ఇప్పటికే ఐకాన్ స్టార్ పుష్ప రాజ్ గెటప్ చేంజ్ కూడా చెయ్యలేదు.
ఇక పార్ట్ 2 సినిమా వెంటనే మొదలు పెడితే ఇక 2022 లో కూడా పుష్ప రాజ్ గానే అల్లు అర్జున్ కనిపించ బోతున్నాడు.మరి చూడాలి చివరకు ఏం నిర్ణయం తీసుకుంటారో.