ఏపీలో కూటమి గెలుపు కష్టమే.. నిరాశలో విపక్ష పార్టీల క్యాడర్..!!

22 రోజుల పాటు సాగిన సీఎం జగన్ బస్సు యాత్ర( CM Jagan bus trip ) సుమారు 2,100 కిలోమీటర్ల మేర సాగింది.కడప జిల్లా ఇడుపులపాయ నుంచి ప్రారంభమైన సీఎం జగన్ బస్సు యాత్ర 86 నియోజకవర్గాల మీదుగా కొనసాగి.శ్రీకాకుళం జిల్లా అక్కవరంలో భారీ బహిరంగ సభతో ముగిసింది.

ఇందులో భాగంగా సీఎం జగన్ 16 బహిరంగ సభలతో పాటు 9 ప్రాంతాల్లో రోడ్ షో నిర్వహించారు.అంతేకాదు జగన్ నిర్వహించిన మేమంతా సిద్ధం బస్సు యాత్రకు ప్రజలు అడుగడుగునా నీరాజనాలు పట్టారు.

ఎండను సైతం లెక్కచేయకుండా భారీగా జనం తరలిరావడం విశేషం.తామంతా జగన్ వెంటే ఉన్నామని స్పష్టం చేశారు.

రాబోయే ఎన్నికల్లో జగన్ నేతృత్వంలోని వైసీపీ మరోసారి అధికారంలోకి రావడం ఖాయమని ఏపీ ప్రజలు చెబుతున్నారని తెలుస్తోంది.అత్యధిక లోక్ సభ స్థానాలను కైవసం చేసుకోవడంతో పాటు అసెంబ్లీ ఎన్నికల్లోనూ ‘ఫ్యాన్ ’ ప్రభంజనం కొనసాగడం తథ్యమని చెప్పడం విశేషం.

ఇదే విషయాన్ని ఇప్పటికే పలు సర్వే సంస్థలు వెల్లడించాయి.నవరత్నాలతో పాటు మ్యానిఫెస్టోను 99 శాతం వైసీపీ సర్కార్ అమలు చేసింది.

విద్యా, వైద్యారోగ్య రంగాల్లో కీలక సంస్కరణలు తీసుకొచ్చింది.పేదవారి సొంతింటి కలను సాకారం చేసింది.

కుల, మతాలతో పాటు పార్టీలకు అతీతంగా ప్రతి ఒక్కరికీ సంక్షేమాన్ని గడప వద్దకే చేర్చిన వైసీపీ ప్రభుత్వం ప్రజల మనసుల్లో చెరగని ముద్ర వేసుకుందని తెలుస్తోంది.ఈ క్రమంలోనే ప్రజాక్షేత్రంలోకి వెళ్లిన సీఎం జగన్ విస్తృతంగా ప్రచారం నిర్వహించారు.

తమ బిడ్డ ప్రభుత్వం మంచి చేసిందని భావిస్తేనే తనను మరోసారి ఆశీర్వదించాలని ఆయన కోరారు. సిద్ధం సభలు విజయవంతం కావడంతో పాటు తాజాగా చేసిన మేమంతా బస్సు యాత్రతో సీఎం జగన్, వైసీపీ గ్రాఫ్ ఒక్కసారిగా పెరిగిపోయింది.

మరోవైపు టీడీపీ అభ్యర్థులు సైతం విపక్షాల గెలుపుపై అనుమానాలు వ్యక్తం చేస్తున్న నేపథ్యంలో.జగన్ మరోసారి సీఎం కావడం ఖాయమని తెలుస్తోంది.