ఏపీ సీఎం జగన్ పై( AP CM Jagan ) రాయిదాడి ఘటన కేసులో నిందితుడిగా ఉన్న సతీశ్ ను( Satish ) పోలీసులు కస్టడీలోకి తీసుకోనున్నారు.ఈ మేరకు సతీశ్ ను మూడు రోజులపాటు పోలీస్ కస్టడీకి ఇచ్చేందుకు కోర్టు అనుమతి ఇచ్చింది.
అయితే రిమాండ్ లో ఉన్న నిందితుడు సతీశ్ ను ఏడు రోజులపాటు కస్టడీకి ఇవ్వాలని కోరుతూ పోలీసులు కోర్టులో పిటిషన్ దాఖలు చేసిన సంగతి తెలిసిందే.
ఈ క్రమంలో ప్రిన్సిపల్ జూనియర్ సివిల్ జడ్జి కమ్ మెట్రోపాలిటన్ మేజిస్ట్రేట్ కోర్టులో పిటిషన్ వేశారు.
కేసు విచారణలో మరిన్ని విషయాలను రాబట్టేందుకు సతీశ్ ను కస్టడీకి( Satish Custody ) ఇవ్వాలని పిటిషన్ లో కోరారు.ఈ పిటిషన్ విచారణ జరిపిన న్యాయస్థానం మూడు రోజుల కస్టడీకి అనుమతినిస్తూ ఆదేశాలు జారీ చేసింది.
