జనవరి 22న పవిత్రమైన అయోధ్య నగరంలో నిర్మించిన రామమందిర ఘనంగా ప్రారంభమైంది.దీని ప్రారంభానికి ముందు అచ్చం రామ మందిరాన్ని పోలిన ప్రతిరూపాన్ని చాలామంది రామభక్తులు తయారుచేసి ఆశ్చర్యపరిచారు.
తాజాగా ఒడిశాకు చెందిన ఓ వ్యక్తి అగ్గిపుల్లతో రామమందిర మోడల్ తయారు చేశాడు.అతని పేరు శాస్వత్ రంజన్, అతను ఒక శిల్పి.
మోడల్ తయారు చేయడానికి రంజన్ ఏకంగా 936 అగ్గిపుల్లలను ఉపయోగించాడు.దాన్ని పూర్తి చేయడానికి అతనికి ఆరు రోజులు పట్టింది.
మోడల్ పొడవు 14 అంగుళాలు, వెడల్పు ఏడు అంగుళాలు.అగ్గిపుల్లతో తయారు చేసిన రామమందిరంలో ఇది అతి చిన్న మోడల్ అని ఆయన చెప్పారు.
రంజన్ తన మోడల్‌ను వార్తా సంస్థ ANIకి చూపించాడు.తన ప్రతి రూపాన్ని ప్రధాని నరేంద్ర మోదీకి అందించాలనుకుంటున్నట్లు చెప్పాడు.అందుకు సహకరించాలని కోరాడు.ANI ఎక్స్‌ ప్లాట్‌ఫామ్‌లో అతని మోడల్ ఫొటోలను షేర్ చేసింది.ఆ ఫొటోలు చాలా మంది దృష్టిని ఆకర్షించాయి.22,000 మందికి పైగా వాటిని చూశారు.300 మందికి పైగా వాటిని లైక్ చేశారు.వాటిపై పలువురు వ్యాఖ్యానించారు.
వారు శాస్వత్ రంజన్ ప్రతిభ, నైపుణ్యాన్ని కొనియాడారు.అతడిని చూసి గర్విస్తున్నామని చెప్పారు.
కొద్ది రోజుల క్రితం మరొక ఆర్టిస్ట్ రామమందిర నమూనాను కూడా తయారు చేశాడు.అతను దానిని తయారు చేయడానికి పార్లే-జి బిస్కెట్లను ఉపయోగించాడు.అతను పశ్చిమ బెంగాల్‌కు చెందినవాడు.మోడల్ తయారు చేసేందుకు 20 కిలోల బిస్కెట్లను ఉపయోగించాడు.బిస్కెట్లు కట్ చేసి మోడల్ తయారు చేసేందుకు ఏర్పాట్లు చేశాడు.అతను మోడల్‌ను తయారు చేస్తున్న వీడియో ఉంది.
దీనికి సంబంధించిన వీడియో సోషల్ మీడియాలో వైరల్‌గా మారింది.అతని సృజనాత్మకతకు ప్రజలు ఆశ్చర్యపోయారు.
