ఇటీవల ఒక ఐఆర్సీటీసీ ఉద్యోగికి ( IRCTC employee )ఊహించని షాక్ తగిలింది.అతడు ట్రైన్ రన్నింగ్ లో ఉండగా బోగీలో నుంచి నిర్లక్ష్యంగా చెత్తను బయటకు విసిరేశాడు.
ఈ దృశ్యాలకు సంబంధించిన ఒక వీడియో సోషల్ మీడియాలో( social media ) వైరల్గా మారింది.ఈ వీడియోలో ప్రయాణికులు ఆ ఉద్యోగిని ఆపమని ఎంత చెప్పినా వినకుండా, తన పనిని సమర్థించుకుంటూ చెత్త పడేయడానికి వేరే చోటు లేదని చెప్పడం అందరినీ ఆశ్చర్యానికి గురిచేసింది.
దీన్ని ట్విట్టర్లో పోస్ట్ చేశారు.ఈ వీడియోకు “సీనియర్ ఐఆర్సీటీసీ అధికారి హెచ్చరించినా వినకుండా కదులుతున్న రైలు నుంచి చెత్తను విసిరేశాడు.ఊహించుకుంటేనే భయానకంగా ఉంది.” అని పెట్టిన క్యాప్షన్ చూసి నెటిజన్లు మరింత షాక్ అవుతున్నారు.ఈ వీడియో క్షణాల్లో వైరల్ కావడంతో రైల్వే శాఖ( Department of Railways ) వెంటనే రంగంలోకి దిగింది.రైలు పీఎన్ఆర్ వివరాలను చెక్ చేసి అధికారులు విచారణ చేపట్టారు.
రైల్వే సేవా, రైలు వినియోగదారుల కోసం అధికారిక సహాయ ఖాతా, ఆ ఉద్యోగి కాంచన్ లాల్ అని, అతను 04115 ప్రత్యేక రైలులో పనిచేస్తున్నాడని నిర్ధారించింది.విచారణ అనంతరం అతన్ని ఉద్యోగం నుండి తొలగించారు.
దీంతోపాటు, రైలులో వ్యర్థ పదార్థాల నిర్వహణ బాధ్యత కలిగిన ఓబీహెచ్ఎస్( OBHS ) (ఆన్బోర్డ్ హౌస్కీపింగ్ సర్వీసెస్) కాంట్రాక్టర్కు భారీ జరిమానా విధించారు.
ఈ ఘటన భారతీయ రైళ్లలో సరిగా లేని వ్యర్థ పదార్థాల నిర్వహణపై మళ్లీ చర్చకు దారితీసింది.చాలా మంది సోషల్ మీడియా యూజర్లు తీవ్ర అసహనం వ్యక్తం చేశారు.ఒక యూజర్ కామెంట్ చేస్తూ, “ఇది ఒక్క రైలులోనే కాదు, భారతదేశంలోని ప్రతి రైలు ఇంతే మురికిగా ఉంది.” అని మండిపడ్డారు.మరికొందరు స్వచ్ఛ భారత్ నిధులు రైళ్లను శుభ్రంగా ఉంచడానికి ఎందుకు సరిగా ఉపయోగించడం లేదని ప్రశ్నించారు.ఇలాంటివి ఆపాలంటే తప్పు చేసిన వారికి రూ.50 జరిమానా విధిస్తే సరిపోతుందని ఒక యూజర్ సలహా ఇచ్చారు.ఇలా తీవ్ర విమర్శలు రావడంతో, రైల్వే శాఖ 24/7 పరిశుభ్రతను మెరుగుపరచడానికి కృషి చేస్తున్నామని ప్రజలకు హామీ ఇచ్చింది.
A senior IRCTC official throws garbage right from a moving train
pic.twitter.com/EahgqXSqhy— Ghar Ke Kalesh (@gharkekalesh) March 6, 2025
