ఉత్తర కొరియాలో టీవీ కొనడం నేరమా.. పారిపోయిన వ్యక్తి చెప్పిన నిజాలు వింటే దిమ్మతిరగాల్సిందే..

ఉత్తర కొరియా ( North Korea )గురించి బయట ప్రపంచానికి తెలిసింది చాలా తక్కువ.ఆ దేశంలో అసలు ఏం జరుగుతుందో ఎవరికీ అంతగా తెలీదు.

అక్కడి కఠినమైన జీవితం గురించి రెండుసార్లు ఉత్తర కొరియా నుంచి తప్పించుకున్న టిమోతి చో( Timothy Cho ) అనే వ్యక్తి సంచలన విషయాలు బయటపెట్టాడు.ఉత్తర కొరియాలో టీవీ కొనడం కూడా నేరమేనట.

టిమోతి చో ప్రస్తుతం యూకేలో ఉంటున్నాడు.తను లాడ్‌బైబిల్‌తో మాట్లాడుతూ ఉత్తర కొరియాలో తన జీవితం ఎలా ఉండేదో వివరించాడు.

అక్కడ ప్రభుత్వం మీడియాను పూర్తిగా తమ గుప్పిట్లో పెట్టుకుంటుందని చెప్పాడు.ప్రజలు తమకు నచ్చింది చూడటానికి వీల్లేదట.

ఎవరైనా టీవీ కొంటే వెంటనే ప్రభుత్వ అధికారులు వాళ్ల ఇంటికి వస్తారు.వచ్చి అన్ని యాంటెన్నాలను తీసేసి, ఒకే ఒక్క యాంటెన్నా ఉంచుతారు.

దాని ద్వారా ప్రభుత్వ ఛానెళ్లు తప్ప ఇంకేమీ చూడటానికి వీలుండదు.

“వాళ్లు ఏం చూపిస్తారు? రోజంతా కిమ్ కుటుంబం గురించిన కార్యక్రమాలు, డాక్యుమెంటరీలు, పాటలు.అంతే.” అని టిమోతి చో చెప్పాడు.ప్రజల్లో కిమ్ కుటుంబం గురించి గొప్పగా ప్రచారం చేయడమే దీని ఉద్దేశం.నిజానికి ఉత్తర కొరియాలో మీడియానే కాదు, హెయిర్ స్టైల్స్( Hairstyles ) కూడా ప్రభుత్వమే శాసిస్తుంది అంటే విస్తుపోవాల్సిందే.

స్కూల్ పిల్లలు కొన్ని రకాల హెయిర్ స్టైల్స్ మాత్రమే పెట్టుకోవాలి.ఒకవేళ ఎవరి జుట్టు కొంచెం పొడవుగా ఉన్నా వాళ్ల తల్లిదండ్రులకు పోలీసులు ఫోన్ చేసి స్టేషన్ కు పిలుస్తారు.

వాళ్లతో స్టేట్మెంట్ రాయించుకుంటారు.ఎంత కఠినమైన రూలో కదా.

ఇంకో షాకింగ్ విషయం ఏమిటంటే, ఉత్తర కొరియా పాలకులను దేవుళ్లలా చూస్తారు.మొదటి అధ్యక్షుడు కిమ్ ఇల్-సుంగ్ ను “శాశ్వత అధ్యక్షుడు” అంటారు.ఎందుకంటే ఆయన ఎప్పటికీ చనిపోరని ప్రభుత్వం చెబుతుందట.ఆయన కొడుకు కిమ్ జోంగ్-ఇల్ ను ఏకంగా “దేవుడి కుమారుడు” అని పిలుస్తారు.జాతీయ సెలవు దినాల్లో ప్రజలందరూ కిమ్ కుటుంబ విగ్రహాల దగ్గరకు వెళ్లి దండం పెట్టాల్సిందే.అది దేవుడిని పూజించినట్టే అక్కడ.ఇలాంటి కఠినమైన పాలన నుంచి తప్పించుకున్న వాళ్ళు చాలా తక్కువ మంది.1950ల నుంచి ఇప్పటివరకు దాదాపు 30 వేల మంది మాత్రమే ఉత్తర కొరియా నుంచి బయటపడ్డారు.వాళ్లలో కొందరు దక్షిణ కొరియా, చైనా, యూరప్ లేదా అమెరికాలో స్థిరపడ్డారు.టిమోతి చో చెప్పిన విషయాలు ఉత్తర కొరియాలో అసలు జీవితం ఎలా ఉంటుందో తెలియజేస్తున్నాయి.