కునో నేషనల్ పార్క్లో( Kuno National Park ) ఊహించని సంఘటన చోటుచేసుకుంది.అడవి లోపల ఉన్న శివలింగం( Shivling ) ముందు ఓ చిరుత( Cheetah ) కూర్చుని, భక్తిగా నమస్కరించిన వీడియో చూసి నెటిజన్లు షాక్ అవుతున్నారు.
ఆ తర్వాత ఆ చిరుత ప్రశాంతంగా అడవిలోకి వెళ్లిపోయింది.
నివేద్ యాదవ్ అనే టూరిస్ట్ ఈ అద్భుత దృశ్యాన్ని తన కెమెరాలో బంధించారు.
పార్క్ అందాలను చూస్తూ ఉండగా, ఆయనకు ఈ అరుదైన ఘటన కనిపించింది.వెంటనే వీడియో తీసి సోషల్ మీడియాలో పోస్ట్ చేయడంతో అది క్షణాల్లో వైరల్( Viral ) అయిపోయింది.
ఈ వీడియో ఇప్పుడు ఇంటర్నెట్లో సంచలనం రేపుతోంది.
చిరుత పులులు వచ్చాక కునో నేషనల్ పార్క్ క్రేజ్ అమాంతం పెరిగిపోయింది.
ఈ అద్భుతమైన జంతువుల్ని చూడాలని దేశం నలుమూలల నుంచి జనం తరలివస్తున్నారు.కొందరు లక్కీ టూరిస్టులు అయితే చిరుతల్ని స్వయంగా చూస్తూ, వాటి అందమైన ఫోటోలు, వీడియోలు కూడా తీస్తున్నారు.
రీసెంట్గా నివేద్ యాదవ్ కునో పార్క్కి వెళ్లినప్పుడు ఆయనకు ఒక అద్భుతం ఎదురైంది.అక్కడ చిరుత పులుల్ని చూడటమే కాకుండా, శివలింగం దగ్గర ఓ చిరుత ప్రార్థన చేస్తున్నట్టుగా కనిపించడాన్ని కూడా ఆయన కళ్లారా చూశారు.ఊహించని ఈ సీన్ను చూసి ఆయన ఒక్క క్షణం షాక్ అయ్యారు.
కునో నేషనల్ పార్క్లో ఇప్పుడు ఏకంగా 12 చిరుతలు హాయిగా తిరుగుతున్నాయి.
అందులో జ్వాలా( Jwala ) అనే ఆడ చిరుత అందరి ఫేవరెట్ అయిపోయింది.ఆమె తన నాలుగు పిల్లలతో కలిసి అహిరా గేట్ దగ్గర సందడి చేస్తూ కనిపిస్తోంది.
ఆ పిల్ల చిరుతలు తల్లి దగ్గర వేట నేర్చుకుంటున్నాయి.టూరిస్టులు వాళ్ల క్యూట్ మూమెంట్స్ని వీడియోలు తీసి సోషల్ మీడియాలో షేర్ చేస్తున్నారు.
పార్క్ అధికారులు ఏం చెబుతున్నారంటే.కునోలోని చిరుతలన్నీ సూపర్ ఫిట్గా ఉన్నాయట.కొత్త ప్లేస్కి బాగా అలవాటు పడ్డాయని కూడా చెప్పారు.టూరిస్టులు కూడా ఈ అందమైన జంతువుల్ని వాటి సహజసిద్ధమైన అడవిలో చూసి ఎంజాయ్ చేస్తున్నారు.
నివేద్ యాదవ్ తన ఎక్స్పీరియన్స్ గురించి మాట్లాడుతూ, ఇది తన లైఫ్లోనే ఒక స్పెషల్ మూమెంట్ అని చెప్పారు.చిరుతలు రావడం వల్ల పార్క్ మరింత అందంగా మారిందని సంతోషం వ్యక్తం చేశారు.
అంతేకాదు, ప్రధాని నరేంద్ర మోదీ ‘చీతా ప్రాజెక్ట్’ సూపర్ సక్సెస్ అయిందని, కునో నేషనల్ పార్క్కి మంచి రోజులు వచ్చాయని కొనియాడారు.
