హీరోయిన్ ను అడ్డు పెట్టుకుని బన్నీపై సెటైర్లు వేసిన ప్రముఖ డైరెక్టర్.. ఏం జరిగిందంటే?

అల్లు అర్జున్( Allu Arjun ) సంధ్య థియేటర్ ఘటన తెలుగు సినిమా ఇండస్ట్రీలో సంచలనం సృష్టించిన విషయం తెలిసిందే.ఈ వ్యవహారం ఎంతటి దుమారాన్ని రేపిందో మనందరికీ తెలిసిందే.

అల్లు అర్జున్ అరెస్ట్ అవడం కోర్టుకు వెళ్లడం ఆ తర్వాత బెయిల్ పై బయటికి రావడం ఇవన్నీ కూడా జరిగిపోయాయి.చిన్న విషయం కాస్త చిలికి చిలికి గాలి వానగా మారింది.

ఇక ఆ తర్వాత అల్లు అర్జున్ ప్రెస్ మీట్ ను నిర్వహించగా అందులో తెలంగాణ సీఎం రేవంత్ రెడ్డి( CM Revanth Reddy ) పేరు మర్చిపోవడంతో కారణంగా ట్రోలింగ్స్ కూడా జరిగాయి.దాదాపు ఒక 10 నుంచి 15 రోజులపాటు ఈ వ్యవహారం టాలీవుడ్ తో పాటు దేశవ్యాప్తంగా పెద్ద దుమారం చెప్పాలి.

ఆ తరువాత అల్లు అర్జున్ కు బెయిల్ రావడం, సినిమా వాళ్లు సీఎం ను కలవడం ఇలా చిన్నగా సర్ధుమణుగుతున్న టైమ్ లో ఒక టాలీవుడ్ డైరెక్టర్ ఈ విషయంలో అల్లు అర్జున్ పై సెటైర్లు వేసే విధంగా సినిమా ఫంక్షన్ లో మాట్లాడారు.

అంతేకాదు సీఎం రేవంత్ రెడ్డి పేరును బన్నీ ఎలా మర్చిపోయాడో తన సినిమా ఫంక్షన్ లో కూడా హీరోయిన్ రీతువర్మ( Heroine Ritu Varma ) పేరు మర్చిపోయినట్టుగా నటిస్తూ ఐకాన్ స్టార్ ను అవమానించేలా ప్రవర్తించాడు.ఇంతకీ ఆ దర్శకుడు ఎవరో కాదు త్రినాథ్ రావు నక్కిన.( Trinadha Rao Nakkina ) అవును సినిమా చూపిస్త మావా, నేను లోకల్, ధమాకా లాంటి మంచి మంచి సినిమాలు డైరెక్ట్ చేసిన ఈ దర్శఖుడు తాజాగా సందీప్ కిషన్( Sundeep Kishan ) హీరోగా మజాకా సినిమాను( Mazaka Movie ) తెరకెక్కించాడు.

ఈ సినిమాలో మన్మధుడు హీరోయిన్ అన్షుతో పాటు రీతు వర్మ ఇద్దరు నటించారు.అయితే ఈ సినిమాకు సబంధించి తాజాగా ఒక ఈవెంట్ జరిగింది.ఈ ఈవెంట్ లో దర్శకుడు మాట్లాడిన మాటలు అందరికి ఒకింత ఆశ్చర్యాన్ని కలిగించాయి.

హీరోయిన్ అన్షు పై( Heroine Anshu ) కూడా త్రినాథ్ రావు నక్కిన అభ్యంతరకర వ్యాఖ్యలు చేయడం సంచలనంగా మారింది.ప్రస్తుతం ఈ ఇష్యు సోషల్ మీడియాలో వైరల్ అవుతోంది.ఇన్ని సినిమాలు చేసిన స్టార్ డైరెక్టర్ అయ్యి ఉండి, ఇలా చిల్లరగా మాట్లాడటం ఏంటీ అని నెటిజన్లు దుమ్మెత్తిపోస్తున్నారు.

ఈ అభ్యంతరకర వ్యాఖ్యలు, బన్నీని ఇమిటేట్ చేయడం లాంటివి చేయడంతో మరోసారి టాలీవుడ్ లో మరో వివాదం చెలరేగే అవకాశం కూడా కనిపిస్తోంది.అల్లు అర్జున్ ఇష్యు చాలా సెన్సిబుల్.

ఈ వివాదాన్ని చాలా జాగ్రత్తగా హ్యాండిల్ చేశారు అల్లు అరవింద్.అటువంటిదాన్ని మళ్శీ కదిలించి విమర్శలు ఫేస్ చేస్తున్నాడు త్రినాథ్ రావు.

ఇక ఈ విషయం ఎంత వరకూ వెళ్తుందా అని ఆలోచనలో పడ్డారు ఆడియన్స్.బన్నీ ఫ్యాన్స్ నుంచి ఈ దర్శకుడిపై తీవ్ర వ్యతిరేకత వ్యక్తం అవుతోంది.

మరి ఈ విషయం ఎంత వరకూ వెళ్తుందో చూడాలి మరి.