ఎమిలీ హేస్( Emily Hayes ) (32) అనే ఒక మాజీ న్యాయవాది తీసుకున్న సంచలన నిర్ణయం ఇప్పుడు అందరినీ ఆశ్చర్యానికి గురిచేస్తోంది.సంవత్సరానికి అక్షరాలా రూ.3.1 కోట్లు సంపాదించే ఆమె, తన ఉన్నత స్థాయి ఉద్యోగాన్ని వదులుకున్నారు.కారణం? తీవ్రమైన ఒత్తిడి, మానసిక కుంగుబాటు!న్యాయవాది వృత్తిలో ఉన్న నిరంతర ఒత్తిడి, సమయపాలన లేకపోవడం ఆమెను తీవ్రంగా కలచివేసింది.తన కోసం, తన కుటుంబం కోసం సమయం కేటాయించలేకపోయారు.
దీంతో విసిగిపోయిన ఆమె, తన ఆరోగ్యాన్ని కాపాడుకోవడానికి ఒక పెద్ద ముందడుగు వేశారు.లాయర్ కెరీర్ వదిలేసారు.
హేస్ ఇప్పుడు టెక్ పరిశ్రమలో( tech industry ) ఒక ఉద్యోగం చేస్తున్నారు.అక్కడ వర్క్-లైఫ్ బ్యాలెన్స్ చాలా మెరుగ్గా ఉంది.కానీ, ఈ మార్పుతో ఆమె జీతంలో భారీ కోత పడింది.ఇప్పుడు ఆమె సంవత్సరానికి రూ.1.9 కోట్లు సంపాదిస్తున్నారు.ఇది కూడా ఎక్కువే అయినప్పటికీ, ఆమె తన ఖర్చులను తగ్గించుకోవలసి వచ్చింది.
స్టాన్‌ఫోర్డ్ లా స్కూల్ ( Stanford Law School )నుంచి పట్టా పుచ్చుకున్న ఎమిలీ హేస్, న్యాయవాద వృత్తిలో దూసుకుపోయారు.కాలిఫోర్నియాలోని ఒక పెద్ద అంతర్జాతీయ న్యాయ సంస్థలో రెండేళ్లు పనిచేసిన తర్వాత, ఒరెగాన్‌లోని ఫెడరల్ కోర్టులో లా క్లర్క్‌గా బాధ్యతలు నిర్వర్తించారు.
ఆ తర్వాత, 2021 అక్టోబర్‌లో లాస్ ఏంజిల్స్‌లోని ఓ’మెల్వెనీ & మైయర్స్ వంటి పేరుగాంచిన న్యాయ సంస్థలో అసోసియేట్‌గా చేరారు.
అయితే “న్యాయ సంస్థలో పనిచేయడం నరకప్రాయంగా ఉండేది,” అని హేస్ అన్నారు.“ఎప్పుడు ఇంటికి వెళ్తానో, సాయంత్రం ఖాళీగా ఉంటుందో చెప్పలేను.ఆ పనిని నిజంగా ప్రేమిస్తేనే ఆ కష్టాన్ని భరించగలం.” అని చెప్పారు.తన ఉద్యోగం తన సంబంధాలను ఎలా దెబ్బతీసిందో కూడా ఆమె వివరించారు.జీతం తగ్గడంతో వచ్చిన కష్టాలను హేస్ దాచలేదు.తక్కువ జీతానికి అలవాటు పడటం అనుకున్నదానికంటే కష్టమని ఆమె అంగీకరించారు.ఇప్పుడు ఆమె ప్రతి పైసాకు లెక్కలు వేసుకుంటున్నారు.
హేస్ తన అనుభవాలను టిక్‌టాక్ ద్వారా అందరితో పంచుకుంటున్నారు.డబ్బు కంటే ఆరోగ్యం, మానసిక ప్రశాంతత ముఖ్యమని ఆమె గట్టిగా చెబుతున్నారు.
హేస్ తీసుకున్న ఈ సాహసోపేతమైన నిర్ణయం ఎంతోమందికి స్ఫూర్తినిస్తోంది.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
