సోషల్ మీడియాలో ఫాలోవర్స్ పెంచుకోవడానికి, లైక్స్ కొల్లగొట్టడానికి నేటి యువత ఎంతకైనా తెగిస్తున్నారు.తాజాగా ఒక వ్యక్తి చేసిన పని సోషల్ మీడియాలో హాట్ టాపిక్‌గా మారింది.
అతను రద్దీగా ఉన్న రోడ్డు మధ్యలో ట్రైపాడ్‌ పెట్టి, వాహనాలు దూసుకుపోతున్నా ఏ మాత్రం భయం లేకుండా డ్యాన్స్ చేశాడు.షారుఖ్‌ ఖాన్ ( Shahrukh Khan )వలె చేతులు చాచి ఒక హీరో లాగా ఫోజులు ఇచ్చాడు.అటూ ఇటూ పరిగెత్తుతూ ఆ రోడ్డు తన ఇల్లన్నట్టు ప్రవర్తించాడు.30 సెకన్ల వీడియో కోసం ప్రాణాలను పణంగా పెట్టాడంటే అతడికి రీల్స్ పిచ్చి ఎంత తీవ్రంగా ఉందో అర్థం చేసుకోవచ్చు.
అయితే, ఈ కథలో ఒక ట్విస్ట్ ఉంది.ఈ వీడియోను కొందరు వాహనదారులు తమ ఫోన్లలో రికార్డ్ చేస్తుండగా, ఇంతలో పోలీసులు సీన్ ఎంట్రీ ఇచ్చారు! ఆ తరువాత ఆ యువకుడికి లాఠీతో పెళ్లి చేసినట్లున్నారు.
పోలీసులు అతన్ని అదుపులోకి తీసుకున్నట్లు సమాచారం.బహుశా అతను ఈ ట్విస్ట్ ఊహించి ఉండడు.ఈ ఘటన సోషల్ మీడియాలో వైరల్ కావడంతో నెటిజన్లు రకరకాలుగా స్పందిస్తున్నారు.
@ghar_ka_kalesh అనే X (ట్విట్టర్) ఖాతాలో షేర్ చేసిన ఒక వీడియోకి “రీల్ టు రియల్ లైఫ్ ఇడియట్స్ ఆన్ రోడ్డు (చివరి వరకు చూడండి)” అనే క్యాప్షన్‌ జోడించారు.దీనికి ఇప్పటికే 2 లక్షలకు పైగా వ్యూస్ వచ్చాయి.వీడియో చూసిన నెటిజన్లు “ఇలాంటి వాళ్ల వల్లే యాక్సిడెంట్స్ జరుగుతున్నాయి.
స్ట్రిక్ట్ యాక్షన్ తీసుకోవాలి!” అని కామెంట్స్ చేస్తున్నారు.
“ఒక రీల్ కోసం ఇంత రిస్క్ అవసరమా?” అని కొందరు ప్రశ్నిస్తుంటే, “కనీసం అతను స్థిరంగా ఉన్నాడు – రీల్స్‌లో, నిజ జీవితంలో చెడు నిర్ణయాలు తీసుకుంటున్నాడు” అని కొందరు ఫన్నీగా కామెంట్ చేస్తున్నారు.“సేఫ్టీ ఫస్ట్” అని ఒకరు, “ఇలాంటివి కామన్ అవ్వకముందే అధికారులు చర్యలు తీసుకోవాలి” అని మరొకరు కామెంట్ చేశారు.ఈ వీడియోపై మీరు కూడా ఓ లుక్ వేయండి.
