ఎంతో అదృష్టం ఉంటే తప్ప ఇలాంటి రోల్స్ రావు.. సాయిపల్లవి క్రేజీ కామెంట్స్ వైరల్!

అమరన్ సినిమాలో నటించడం గురించి సాయి పల్లవి మాట్లాడుతూ ఆసక్తికర వ్యాఖ్యలు చేశారు.నాకు ముందు అమరన్ మూవీ స్క్రిప్ట్ వచ్చిందని స్క్రిప్ట్ చదివిన తర్వాత ఎన్నో డౌట్స్ వచ్చాయని ఆమె అన్నారు. కమర్షియల్ సినిమాలలో పెద్ద హీరోలతో కలిసి పని చేసే సమయంలో చాలా కంటెంట్ ఉంటుందని అందువల్ల స్క్రిప్ట్ లో కొన్ని సన్నివేశాలను తీసి మిగతావి కట్ చేస్తారని భావించానని ఆమె అన్నారు.

తాను దర్శకుడికి సైతం ఇదే విషయాన్ని చెప్పానని సాయి పల్లవి కామెంట్ చేశారు.దర్శకుడు నేరేషన్ ఇచ్చిన తర్వాత సినిమాలోని పాత్రను వదులుకోకూడదని నిర్ణయం తీసుకున్నానని సాయి పల్లవి పేర్కొన్నారు.

ఎంతో లక్ ఉంటే తప్ప ఇలాంటి పాత్రలు రావని ఆమె అభిప్రాయం వ్యక్తం చేశారు.

అమరన్ సినిమాలో బలమైన పాత్ర దక్కడం వల్లే ఆమె ఈ సినిమాకు ఓకే చెప్పిందని కామెంట్ల ద్వారా అర్థమవుతుంది.మాస్ మసాలా సినిమాల కంటే పాత్రకు ప్రాధాన్యత ఉన్న సినిమాలకు మాత్రమే సాయి పల్లవి గ్రీన్ సిగ్నల్ ఇవ్వడానికి ఆసక్తి చూపుతారు.అమరన్ మూవీ మేజర్ ముకుంద వరదరాజన్ జీవితం ఆధారంగా తెరకెక్కింది.

అశోక చక్ర గ్రహీత అయిన మేజర్ ముకుంద్ వరదరాజన్ భార్య రెబెకా వర్గీస్ పాత్రలు సాయి పల్లవి నటించారు.తన సినీ కెరీర్ లోని బెస్ట్ రోల్స్ లో ఈ పాత్ర కూడా కచ్చితంగా ఉంటుందని సాయి పల్లవి చెబుతున్నారు.

దీపావళి పండుగ కానుకగా విడుదలవుతున్న ఈ సినిమా బాక్స్ ఆఫీస్ వద్ద ఎలాంటి రెస్పాన్స్ అందుకుంటుందో చూడాలి.