సాధారణంగా జీతం కంటే చాలా రెట్లకు సమానమైన డబ్బు ఇచ్చి ఉద్యోగం మానేస్తావా అని అడిగితే.ఎవరైనా సరే వెంటనే మానేసి ఆ డబ్బులు తీసుకొని లైఫ్ ఎంజాయ్ చేస్తారు.ఇటీవల ఒక యూఎస్ రెస్టారెంట్‌లో( US restaurant ) పనిచేసే ఒక వెయిటర్‌కు ఇలాంటి బంపర్ ఆఫర్ వచ్చింది.83 లక్షల రూపాయలు ఇచ్చి జాబ్ మానేయి అని అడిగారు కానీ అతడు రిజెక్ట్ చేశాడు.ఆ డబ్బు తీసుకుని ఉద్యోగం మానేస్తే అతని జీవితం పూర్తిగా మారిపోయేది.కానీ ఆ వెయిటర్ ఆ ఆఫర్‌ను రెండో ఆలోచన లేకుండా తిరస్కరించి ఆశ్చర్యపరిచాడు.ఈ సంఘటన ఒక వీడియో ద్వారా సోషల్ మీడియాలో వైరల్ అయింది.
ఈ వీడియోలో, ఒక వ్యక్తి రెస్టారెంట్‌లో వెయిటర్‌కు వెళ్లి, “నువ్వు ఈ ఉద్యోగం మానేస్తే నేను నీకు 83 లక్షల రూపాయలు ఇస్తాను” అని అంటాడు.
కానీ ఆ వెయిటర్ ఆ ఆఫర్‌ను తిరస్కరిస్తాడు.తన సహోద్యోగులపై భారం పడకుండా ఉండటానికి తాను ఉద్యోగం మానలేనని చెబుతాడు.ఈ వెయిటర్ నిజాయితీకి, తన ఉద్యోగం పట్ల ఉన్న అంకితభావానికి చాలా మంది ప్రశంసలు కురిపిస్తున్నారు.ఈ సంఘటన నేటి సమాజంలో చాలా అరుదుగా కనిపించే విలువలైన లక్షణాలను గుర్తు చేస్తుంది.
ఆ రెస్టారెంట్‌లో వెయిటర్‌తో సహా కేవలం ముగ్గురు వ్యక్తులు మాత్రమే పనిచేస్తున్నారని ఆ వెయిటర్ వివరించాడు.అతను ఉద్యోగం మానేస్తే, మిగిలిన ఇద్దరిపై పనిభారం పెరుగుతుందని, అందువల్ల ఆఫర్‌ను తిరస్కరించానని చెప్పాడు.వెయిటర్ నిజాయితీకి, తన పని పట్ల ఉన్న అంకితభావానికి ముగ్ధులైన రెస్టారెంట్ యజమాని, ఆ వెయిటర్‌కు రూ.16 లక్షల చెక్కును బహుమతిగా ఇచ్చారు.చెక్కు అలెగ్జాండర్ హెల్డ్( Alexander Held ) అనే వ్యక్తి పేరిట జారీ చేయడం జరిగింది.
ఈ వీడియో సోషల్ మీడియాలో వైరల్ అయింది, 10 మిలియన్లకు పైగా వ్యూస్ సాధించింది.చాలా మంది నెటిజన్లు ఈ వీడియోపై తమ స్పందనలను కామెంట్లలో పంచుకున్నారు.కొందరు ఆ వెయిటర్‌ను సాధారణ ఉద్యోగం కోసం 83 లక్షల రూపాయలను తిరస్కరించినందుకు విమర్శించారు, మరికొందరు నకిలీ డబ్బును తిరస్కరించి నిజాయితీగా పనిచేసినందుకు లభించిన బహుమతిని అతను అర్హుడని ప్రశంసించారు.
