శంకర్, కమల్ హాసన్ ( Shankar, Kamal Haasan )కాంబినేషన్ లో తాజాగా తెరకెక్కిన సినిమా ఇండియన్ 2( Indian 2 ).భారీ అంచనాల నడుమ విడుదలైన ఈ సినిమా ఊహించని విధంగా మిక్స్డ్ టాక్ ని సొంతం చేసుకుంది.
కాగా కొన్ని వారాల ముందు వరకు పాన్ ఇండియా స్థాయిలో మోస్ట్ అవైటెడ్ మూవీస్‌లో ఒకటిగా భావించిన సినిమా.కానీ రిలీజ్ టైంకి ఈ చిత్రానికి సొంత భాష తమిళ సహా ఎక్కడా పెద్దగా హైప్ కనిపించలేదు.
అయినా సరే శంకర్, కమల్ హాసన్ లాంటి కాంబినేషన్ లో వందల కోట్లు పెట్టి తీసిన సినిమా అంటే ఏదో ఒక ప్రత్యేకత ఉండే ఉంటుందని అనుకున్నారు ప్రేక్షకులు.
ఆ నమ్మకంతోనే థియేటర్లకు వెళ్లిన వారికి చుక్కలు కనిపించాయి.కంటెంట్ లేకుండా ఊరికే సాగదీసి మూడు గంటల పాటు ప్రేక్షకులను విసిగించేశాడు శంకర్.విడుదలైన మొదటి షో నుంచి ఈ సినిమాకు నెగిటివ్ టాక్ మొదలయ్యింది.
ఆ నెగటివ్ టాక్ వసూళ్లపై బాగానే ప్రభావం చూపించింది.ఈ సినిమా తప్పకుండా భారీ విజయం సాధిస్తుందని థియేటర్లో దద్దరిల్లిపోతాయని అందరూ ఊహించుకున్నారు.
కానీ వీకెండ్లోనే ఈ చిత్రం నిలబడలేకపోయింది.ఆదివారం రోజు తెలుగు రాష్ట్రాల్లో ఆక్యుపెన్సీ 30 శాతం లోపే ఉండడం ఇందుకు గమనార్హం.
తమిళనాడు సహా ఎక్కడా కూడా సినిమా పెద్దగా ప్రభావం చూపలేదు.అలాగే వీకెండ్ అయ్యాక ఇండియన్ 2 పరిస్థితి మరింత ఘోరంగా తయారైంది.
మినిమం ఆక్యుపెన్సీలు లేక బాక్సాఫీస్ దగ్గర దుర్భర పరిస్థితులు ఎదుర్కొంటోంది.వరల్డ్ వైడ్ సోమవారం అన్ని భాషల్లో కలిపి కూడా సినిమాకు పది కోట్ల గ్రాస్ రాని పరిస్థితి.ఇక తమిళనాడులో అయితే సోమవారం 2 కోట్ల గ్రాస్ కూడా వసూలు కాలేదు.ఆక్యుపెన్సీ కూడా 20 శాతం కూడా లేని పరిస్థితి.తెలుగు రాష్ట్రాల్లో ఇండియన్-2 పరిస్థితి ఇంకా దయనీయంగా ఉందని చెప్పవచ్చు.ఏపీలో కానీ, తెలంగాణలో కానీ విడివిడిగా కోటి రూపాయల గ్రాస్ కూడా రాలేదు.
వీకెండ్ తర్వాత తెలుగు ఆడియన్స్ పూర్తిగా ఈ చిత్రాన్ని లైట్ తీసుకున్నారు.ఇక నార్త్ ఇండియాలో అయితే ఈ సినిమాను థియేటర్లలో నడిపిస్తే షేర్ అంటూ ఏమీ వచ్చేలా లేదు.
మెయింటైనెన్స్ ఖర్చులకు కూడా డబ్బులు రాని పరిస్థితి.ప్రస్తుతం ఈ సినిమా పరిస్థితి చూస్తుంటే డిజాస్టర్ లకే డిజాస్టర్ గా ఈ సినిమా నిలుస్తుంది అంటూ చాలామంది అభిప్రాయం వ్యక్తం చేస్తున్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
