ఇటీవల కాలంలో ఇన్స్టాగ్రామ్ రీల్స్ చేసే వారి సంఖ్య బాగా పెరిగిపోయింది.మంచి వీడియోలు చేసి, వాటిని చూపించి ఫేమస్ అవ్వాలని చాలా మంది ప్రయత్నిస్తున్నారు.
ఇలాంటి వీడియోలు బాగా వైరల్ అయ్యేందుకు కొంతమంది ప్రాణాలను కూడా రిస్క్ లో పెడుతున్నారు.ముఖ్యంగా అడవి జంతువులతో వీడియో తీసుకోవడానికి ప్రయత్నిస్తూ ప్రాణాలతో చెలగాటమాడుతున్నారు.
ఇలాంటి వ్యక్తికి చెందిన వీడియో ఒకటి ప్రస్తుతం వైరల్ అయింది.
ఈ వీడియోలో, ఒక వ్యక్తి తన ఇన్స్టాగ్రామ్ రీల్ కోసం ఏనుగుని వాడాలని అనుకున్నాడు.అంటే, ఆ వీడియోలో ఏనుగు ఉంటే ఎక్కువ మంది చూస్తారని అనుకున్నాడు.కానీ, ఏనుగుకి ఇష్టం లేకపోవడంతో పరిస్థితి చాలా సీరియస్ గా మారింది.
ఏనుగుకి కొంచెం ఆకులు చూపించి దగ్గరకు వెళ్లాడు ఆ వ్యక్తి.దాంతో ఏనుగు ఆకులు తిన్నది.
కానీ, వ్యక్తి మరింత దగ్గరగా వచ్చి ఏనుగు తొండాన్ని ముట్టుకునే ప్రయత్నం చేసేసరికి, ఏనుగుకు బాగా కోపం వచ్చింది.అంతే తన తొండంతో ఆ వ్యక్తిని బలంగా తోసేసింది.
ఏనుగు బలానికి అతడు ఒక 10 అడుగుల దూరంలో ఎగిరిపడ్డాడు.అదృష్టవశాత్తు అతనికి ప్రాణాపాయం తప్పినట్లు సమాచారం.
ఏనుగు తొండంతో గట్టిగా కొట్టడం వల్ల ఎముకలు విరిగే ప్రమాదం ఉంది.
అందుకే ఇలాంటి మూర్ఖత్వపు పనులు చేయకూడదని చాలామంది సూచిస్తున్నారు.ఈ వీడియో సోషల్ మీడియాలో చాలా వైరల్ అయ్యింది.చాలా మంది ఏనుగు రియాక్షన్ చూసి షాక్ అయ్యారు.
కొంతమంది ఈ దృశ్యాన్ని చూసి నవ్వుకున్నారు.వాళ్ల కామెంట్స్ లో నవ్వుతున్న ఎమోజీలు చూడవచ్చు.
కొంతమంది ఆ వ్యక్తి చేసిన పని సరికాదని, అందుకే ఏనుగు కోపంగా ప్రవర్తించిందని అన్నారు.ఈ ఘటన మనకు ఒక విషయం గుర్తు చేస్తుంది.
అడవి జంతువులు ఎప్పుడూ ఎలా ప్రవర్తిస్తాయో చెప్పలేం.వాటితో ఆడుకోవడం చాలా ప్రమాదకరం.
ముఖ్యంగా సోషల్ మీడియా కంటెంట్ కోసం వాటిని వాడటం చాలా తప్పు.