ప్రస్తుతం సోషల్ మీడియాలో ఒక ఆసక్తికరమైన వీడియో వైరల్‌గా మారింది.ఈ వీడియోలో దక్షిణాఫ్రికాకు చెందిన కేప్ టౌన్( Cape Town ) నగరంపై ఎర్రని మేఘాల దట్టమైన దుప్పటి కనిపిస్తుంది.
సాధారణంగా మనం చూసే తెల్లటి మేఘాలకు భిన్నంగా, ఈ ఎర్ర మేఘాలు చాలా భిన్నంగా ఉన్నాయి.ఈ మేఘాల ఆకారం చాలా విచిత్రంగా ఉంది.
ఒక రివర్స్ టోర్నడో లాగా కనిపిస్తుంది.పై భాగంలో ఒక గుండ్రని బంతిలా ఉండి, క్రిందికి పొడవాటి తోకలా వెళ్తుంది.
ఈ ఎర్ర మేఘాల ద్వారా సూర్యరశ్మి ప్రకాశిస్తోంది.దీంతో నగరం మొత్తం ఒక అద్భుతమైన దృశ్యంగా మారింది.
సోషల్ మీడియాలో ఈ వీడియో చూసిన చాలా మంది దీనికి కారణం ఏమిటో తెలుసుకోవాలని అనుకున్నారు.కొంతమంది భూమి ఒక “టీ బ్యాగ్“లా మారిపోయిందని ఫన్నీగా అన్నారు, ఆ మేఘం ఒక భారీ సాకెట్ రెంచ్‌లా కనిపిస్తోందని మరికొందరు పేర్కొన్నారు.అయితే సైంటిఫిక్‌గా చూస్తే, ఈ ఎర్ర మేఘాలను “లెంటిక్యులర్ క్లౌడ్స్‌” అని పిలుస్తారు.గాలి స్థిరంగా వీస్తున్నప్పుడు, కొండలు లేదా పర్వతాల వంటి ఎత్తైన ప్రదేశాల దగ్గర ఈ మేఘాలు ఏర్పడతాయి.
గాలి ప్రవాహం కారణంగా, ఈ మేఘాలు వివిధ ఎత్తులలో ఏర్పడతాయి.దీంతో, ఈ మేఘాలు చూడటానికి చాలా విచిత్రంగా, ఒక అంతరిక్ష నౌక ( UFO )లా కనిపిస్తాయి.
ఈ మేఘాలు చాలా అరుదుగా ఏర్పడతాయి.వీటి కారణంగా ఎటువంటి ప్రమాదం ఉండదు.
కొంత కాలం క్రితం, సిడ్నీ ( Sydney )నగరవాసులకు కూడా ఇలాంటి ఓ విచిత్రమైన మేఘం కనిపించింది.హ్యారీ పాటర్ కథలలోని పాత్రలను గుర్తుచేసేలా ఆ చీకటి మేఘం ఆకాశంలో తిరుగుతూ, ప్రజలను ఆశ్చర్యచకితులను చేసింది.కానీ, ఆ మేఘం ఒక “స్కడ్ క్లౌడ్” అని తేలింది.ఇవి తుఫాను ముందు భాగంలో ఏర్పడే, తక్కువ ఎత్తులో ఉండే మేఘాలు.స్కడ్ క్లౌడ్స్‌ భారీ వర్షానికి కారణం కావచ్చు.
