తెలంగాణ మాజీ సీఎం, గులాబీ బాస్ కేసీఆర్( KCR ) వ్యాఖ్యలకు మంత్రి ఉత్తమ్ కుమార్ రెడ్డి( Minister Uttam Kumar Reddy ) కౌంటర్ ఇచ్చారు.తెలంగాణ రైతులకు కేసీఆర్ తీరని అన్యాయం చేశారని ఆరోపించారు.
కేసీఆర్ చెప్పేవన్నీ అసత్యాలేనన్న మంత్రి ఉత్తమ్ కుమార్ రెడ్డి ఇది ముమ్మాటికీ కేసీఆర్ తెచ్చిన కరవేనని పేర్కొన్నారు.పాలేరు రిజర్వాయర్( Paleru Reservoir ) కోసమే సాగర్ నుంచి నీళ్లు వదిలామని చెప్పారు.
ఉన్న నీటిని ఎలా వాడుకోవాలో ఎప్పటికప్పుడు సమీక్షిస్తున్నామని తెలిపారు.కాళేశ్వరం ప్రాజెక్టులో కోట్లు దోచుకున్నారన్న మంత్రి ఉత్తమ్ కుమార్ రెడ్డి కాళేశ్వరంలో ఏ ప్రాజెక్టుకు కరెక్ట్ డిజైన్లు లేవన్నారు.
కమీషన్ల కక్కుర్తి కోసమే కాళేశ్వరం( Kaleswaram ) మొదలుపెట్టారని ఆరోపించారు.మేడిగడ్డ పిల్లర్లు కుంగినప్పుడు సీఎంగా కేసీఆరే ఉన్నారని, పిల్లర్లు కుంగిన విషయంలో అప్పుడు ఎందుకు మాట్లాడలేదని ప్రశ్నించారు.
రాష్ట్రంలో ఎక్కడా ఇబ్బంది లేకుండా కరెంట్ ఇస్తున్నామన్నారు.తాము దొంగ పాస్ పోర్టులు అమ్మిరాజకీయాల్లోకి రాలేదని స్పష్టం చేశారు.
