ఢిల్లీ ముఖ్యమంత్రి అరవింద్ కేజ్రీవాల్( Arvind Kejriwal ) కు ఈడీ ఏడోసారి నోటీసులు జారీ చేసింది.ఈ మేరకు ఢిల్లీ మద్యం కుంభకోణం( Delhi Liquor Scam ) కేసులో విచారణకు హాజరుకావాలని కేజ్రీవాల్ కు సమన్లు ఇచ్చింది.
ఈ నేపథ్యంలో ఈనెల 26న విచారణకు హాజరు కావాలని నోటీసుల్లో పేర్కొంది.అయితే ఈ కేసులో ఇప్పటివరకు ఈడీ ( ED notices )ఆరుసార్లు నోటీసులు ఇవ్వగా కేజ్రీవాల్ గైర్హాజరు అయ్యారన్న సంగతి తెలిసిందే.కాగా కేజ్రీవాల్ విచారణకు హాజరుకావడం లేదని ఈడీ ఢిల్లీలోని రౌస్ అవెన్యూ కోర్టును ఆశ్రయించిన సంగతి తెలిసిందే.
