జనసేన పార్టీ తీరుపై వైసీపీ మంత్రి అంబటి రాంబాబు( Ambati Rambabu )తీవ్రస్థాయిలో ధ్వజమెత్తారు.జనసేన పార్టీ కార్యకర్తలు మోసపోతున్నారని తెలిపారు.
జనసైనికులు కుక్కతోక పట్టుకొని గోదారి ఈదకండి అంటూ మంత్రి అంబటి సూచించారు.టీడీపీ – జనసేన( TDP , Janasena ) పొత్తు నేపథ్యంలో 60 సీట్లు అని భ్రమల్లో ఉండకండన్న ఆయన మొత్తంగా ఏ 25 సీట్లె ముష్టి వేస్తారని చెప్పారు.
అయినా ఇప్పటికీ టీడీపీ, జనసేన ఎన్నికలకు సిద్ధం కాలేదన్నారు.
ఇంకా సీట్ల లెక్కల్లోనే ఉన్నారని పేర్కొన్నారు.సింగిల్ గా మీటింగ్స్ పెడితే జనం రావడం లేదని సినిమా యాక్టర్ ను తీసుకుని వెళ్తున్నారని విమర్శించారు.తమ టార్గెట్ 175 అసెంబ్లీ స్థానాలు సాధించడమని మంత్రి అంబటి తెలిపారు.
ఎందరు కలిసినా, ఎన్ని కుట్రలు చేసినా సీఎం జగన్( CM Jagan ) మరోసారి అధికారంలోకి రావడం ఖాయమని స్పష్టం చేశారు.ఎన్ని పద్మవ్యూహాలు వేసినా సీఎం జగన్ చరిత్రలో నిలబడే విజయాన్ని సాధిస్తారని వెల్లడించారు.
ఆయన చేసిన అభివృద్ధి, సంక్షేమ పథకాలతో రాష్ట్ర ప్రజలు స్వచ్ఛందంగా జగన్ గెలిపించేందుకు సిద్ధంగా ఉన్నారని తెలిపారు.
