మనం జీవితంలో ఎక్కువ కాలం పాటు భాగస్వామితోనే గడుపుతాం.తల్లిదండ్రులతో మహా అంటే 30 ఏళ్లు జీవిస్తే మిగతా జీవితమంతా భార్యా పిల్లలతోనే గడిపేస్తాం.
ఒకప్పుడు భారతదేశంలో వైవాహిక బంధాలకు ఎంతో వ్యాల్యూ ఉండేది కానీ ఇప్పుడు ఈ బంధానికి ముందే కొందరు యువతీ యువకులు డేటింగ్, లవ్ అంటూ పెళ్లికి ముందే అన్ని పనులు కానిచ్చేస్తున్నారు.పెళ్లయిన తర్వాత కూడా పెడదారులు పట్టి కలకాలం ఉండలేక మధ్యలోనే వైవాహిక బంధాన్ని తెంచుకుంటున్నారు.
ఈ రోజుల్లో స్వార్థంతో కోరికలను తీర్చుకునే వారే కనిపిస్తున్నారు.నిజమైన ప్రేమ చూపిస్తూ ఒకరికొకరు చివరిదాకా కలిసి ఉండే దంపతులు చాలా తక్కువ అని చెప్పుకోవచ్చు.
అయితే ట్రూ లవ్( True love ) అది ఎలా ఉంటుందో నేటి యువతకు చెప్పకనే చెప్పాడో వృద్ధుడు.ఆ పెద్దాయనకు సంబంధించిన వీడియో సోషల్ మీడియా( Social media )లో వైరల్ గా మారింది.
ఆ వీడియోలో ఒక పెద్దాయన ఒక ఇంట్లో మంచం రిపేర్ చేస్తూ ఉంటాడు.ఆ సమయంలోనే అతనికి ఏదో అవసరం పడి తన దగ్గర ఉన్న పర్సును బయటకు తీస్తాడు.అప్పుడే ఆ ఇంట్లో ఉన్న వ్యక్తి గదిలో నుంచి బయటికి వచ్చి ఆ పెద్దాయన పర్సు వైపు చూస్తాడు.అప్పుడు అతనికి ఆ పర్సులో ఒక వృద్ధురాలి ఫోటో కనిపిస్తుంది.
వెంటనే ఆ వ్యక్తి పెద్దాయన దగ్గరకు వెళ్లి ఆ పర్సు( Purse )లో ఉన్న ఫోటో ఎవరిది అని ప్రశ్నిస్తాడు.అప్పుడు పెద్దాయన ఆ ఫోటో నా భార్యది అని సమాధానం చెప్పగానే ఆ వ్యక్తి ఆశ్చర్యపోతాడు.తన భార్య చనిపోయి రెండేళ్లు అవుతుందని, అప్పటినుంచి ఆమెకు గుర్తుగా తన ఫోటోని పర్స్ లో పెట్టుకున్నానని పెద్దాయన చెప్తాడు.ఆ పెద్దాయనకు భార్య మీద ఉన్న ప్రేమ చూసి ఆ వ్యక్తికి ఆశ్చర్యం వేస్తుంది.
ఈ వీడియో ప్రస్తుతం సోషల్ మీడియాలో తెగ చక్కర్లు కొడుతుంది.భార్యాభర్తల బంధం అంటే అలానే ఉండాలి అంటూ నెటిజన్లు కామెంట్స్ పెడుతున్నారు.
ఇక మరి కొంతమంది ఏమో నిజమైన ప్రేమ అంటే ఏంటో పెద్దాయన అర్థమయ్యేలా చెప్పాడు అంటూ కామెంట్స్ చేస్తున్నారు.