భారతదేశంలో నిరుద్యోగం పెద్ద సమస్యగా ఉంది, బాగా చదువుకున్న విద్యార్థులు కూడా ఉద్యోగం దొరక్క చాలా ఇబ్బంది పడుతున్నారు.దేశ ఆర్థిక వ్యవస్థపై కూడా ఈ నిరుద్యోగం ప్రతికూల ప్రభావం చూపిస్తోంది.
భారతదేశంలో ప్రపంచంలోనే అత్యధిక జనాభా, అనేక రకాల కార్మికులు ఉన్నారు.కానీ నిరుద్యోగిత రేటు పెరిగినప్పుడు భారతదేశ పురోగతి, భవిష్యత్తుపై చాలా పెద్ద ప్రభావం పడుతుంది.
తాజాగా ఇన్స్టాగ్రామ్లో వైరల్ అయిన వీడియో నిరుద్యోగ సమస్య( Unemployment ) ఎంత తీవ్రంగా ఉందో చూపిస్తుంది.ఈ వీడియో పూణేలోని హింజేవాడిలో( Hinjewadi, Pune ) జరిగిన జాబ్ మేళాకు సంబంధించినది.
అక్కడ కాగ్నిజెంట్( Cognizant ) అనే కంపెనీ జూనియర్ డెవలపర్ ఉద్యోగం( Junior Developer Job ) గురించి ఒక ప్రకటన ప్రచురించింది.అయితే ఆ సింగిల్ జాబ్ కోసం ఈ వీడియోలో ఉద్యోగాల కోసం దరఖాస్తు చేసుకునేందుకు భారీగా జనం తరలివచ్చారు.
వాళ్లందరి చేతుల్లో రెజ్యూమ్లు ఉన్నాయి.కంపెనీ 2900 కంటే ఎక్కువ రెజ్యూమ్లను సేకరించినట్లు వీడియో పేర్కొంది.
ఒక్క జాబ్ కోసం ఈ రేంజ్ లో నిరుద్యోగులు రెస్పాండ్ కావడం అన్ఎంప్లాయిమెంట్కి అద్దం పడుతోంది.
ఈ వీడియోకు ఇన్స్టాగ్రామ్లో 60 లక్షలకు పైగా వ్యూస్ వచ్చాయి.చాలా మంది ఈ వీడియోపై కామెంట్స్ చేస్తూ తమ అభిప్రాయాలను పంచుకున్నారు.దరఖాస్తుదారులు ఏం చదువుకున్నారో అని కొందరు ప్రశ్నలు అడిగారు.
జూమ్, గూగుల్ మీట్ వంటి ఆన్లైన్ టూల్స్ ఉపయోగించకుండా కంపెనీ ఇప్పటికీ పాత నియామకాల పద్ధతిని ఎందుకు ఉపయోగించిందని కొందరు అడిగారు.కొంతమంది కొన్ని రాష్ట్రాల్లో అధిక జనాభా, నిరుద్యోగ సమస్యల గురించి మాట్లాడారు.
పరిస్థితిని చూసి కొందరు జోకులు కూడా వేశారు.
ఇది ఇంజనీరింగ్ గ్రాడ్యుయేట్ల విచారకరమైన వాస్తవమని ఓ వ్యక్తి అసహనం వ్యక్తం చేశాడు.ఆన్లైన్లో హైరింగ్ ప్రాసెస్ పూర్తి చేయొచ్చు కదా ఇలా నిరుద్యోగులను బాధ పెట్టడం ఎంతవరకు కరెక్ట్ అని మరి కొంతమంది కంపెనీపై ఫైర్ అయ్యారు.ఇకపోతే సెంటర్ ఫర్ మానిటరింగ్ ఇండియన్ ఎకానమీ (CMIE) డేటా ప్రకారం, 2023, అక్టోబర్లో భారతదేశ నిరుద్యోగిత రేటు రెండేళ్ల గరిష్ట స్థాయి 10.09%కి చేరుకుంది.మరోవైపు నిరుద్యోగిత రేటు తగ్గిందని నేషనల్ శాంపిల్ సర్వే ఆఫీస్ (ఎన్ఎస్ఎస్ఓ) తాజా డేటా చూపింది.
