యూకే వీసా రూల్స్‌ కఠినతరం చేసిన రిషి సునాక్..

ప్రధాన మంత్రి రిషి సునాక్( Rishi Sunak ) నేతృత్వంలోని యూకే ప్రభుత్వం యూకేకి వచ్చే ఇమ్మిగ్రంట్స్ లేదా వలసదారుల సంఖ్యను తగ్గించడానికి కొత్త చర్యలను ప్రకటించింది.కొత్త నిబంధనల ప్రకారం యూకేలో ప్రవేశించడానికి అర్హత లేని దాదాపు 300,000 మంది వ్యక్తులపై ఇది ప్రభావం చూపుతుందని ప్రభుత్వం చెబుతోంది.

యూకే చరిత్రలో నెట్ మైగ్రేషన్‌లో ఇది అతిపెద్ద కోత అని సునాక్ పేర్కొన్నారు.

సవరించిన వీసా రూల్స్ వలసదారులు తమతో పాటు యూకేకి తీసుకురాగల కుటుంబ సభ్యుల సంఖ్యను పరిమితం చేస్తాయి.

వారిపై ఆధారపడిన వారిని స్పాన్సర్ చేయాలనుకునే కార్మికులు, విద్యార్థులు ఇద్దరికీ ఇది వర్తిస్తుంది.స్కిల్డ్‌ వర్క్ వీసా పొందడానికి వలసదారులు తప్పనిసరిగా సంపాదించాల్సిన కనీస వేతనాన్ని కూడా పెంచుతాయి.

కఠినతరం చేసిన రూల్స్ ప్రకారం శాలరీ థ్రెషోల్డ్ ( Salary threshold )26,200 నుండి 38,700 పౌండ్ల పెరుగుతుంది, ఇది దాదాపు 50% పెరుగుదల.

హెల్త్ కేర్ వీసాకు యాక్సెస్‌( Health Care visa )ను పరిమితం కూడా చేస్తున్నారు, గతంలో కేర్ వర్కర్స్, వారిపై ఆధారపడిన వ్యక్తులు ఈ వీసా కోసం ఎక్కువగా అప్లై చేసుకునేవారు.ఇప్పుడు, కేర్ క్వాలిటీ కమిషన్ నియంత్రణలో ఉన్న కేర్ వర్కర్లు మాత్రమే ఈ వీసా కోసం దరఖాస్తు చేసుకోగలరు.వారు తమతో పాటు ఆధారపడిన వారిని తీసుకురాలేరు.

యూకేలో అధిక డిమాండ్ ఉన్న ఉద్యోగాలు, కొరత వృత్తుల కోసం 20% జీతం తగ్గింపును తీసివేయడం.బదులుగా, ప్రభుత్వం ఇమ్మిగ్రేషన్ జీతాల జాబితాను ప్రవేశపెడుతుంది, ఇది మైగ్రేషన్ అడ్వైజరీ కమిటీ సలహా ఆధారంగా వివిధ వృత్తులకు కనీస వేతనాలను నిర్ణయిస్తుంది.ఈ చర్యలు యూకేకి వచ్చే వలసదారులు స్వావలంబనతో, ఆర్థిక వ్యవస్థకు దోహదపడేలా, ప్రభుత్వ నిధులపై ఆధారపడకుండా ఉండేలా చూస్తాయని ప్రభుత్వం చెబుతోంది.ఈ ప్రభుత్వ ప్రకటన భయాందోళనకు, వైఫల్యానికి నిదర్శనమని ప్రతిపక్ష లేబర్ పార్టీ విమర్శించింది.