చైనాలోని( China ) మూడు అంతస్తుల అద్భుతమైన వంతెన సోషల్ మీడియాలో వైరల్‌గా మారింది.ఈ వీడియోకు ఇప్పటికే మిలియన్ల వ్యూస్, లక్షల్లో లైక్‌లు వచ్చాయి.
తైయువాన్ నగరానికి సమీపంలోని షాంగ్సీ ప్రావిన్స్‌లోని టియాన్‌లాంగ్ పర్వతంపై( Tianlong Mountain ) ఉన్న ఈ వంతెన టియాన్‌లాంగ్‌షాన్ హైవేలో ఒక భాగం.దీనిని “హైవే అబౌ ది క్లౌడ్స్”( Highway Above The Clouds ) అని కూడా పిలుస్తారు.
ఈ వంతెన 350 మీటర్ల ఎత్తు, 30 కిలోమీటర్ల పొడవుతో పర్వతంపై విస్తరించి ఉంది, ఇది మేఘాల మీదుగా ఎగురుతున్న ఒక పెద్ద డ్రాగన్‌ను పోలి ఉండే అద్భుతమైన దృశ్యాన్ని సృష్టిస్తుంది.
బలమైన గాలులు, భూకంపాలను తట్టుకోగల బాక్స్-గార్డర్ నిర్మాణాన్ని నిర్మించడానికి సుమారు ఏడు వేల టన్నుల ఉక్కును ఉపయోగించారు.ఈ వంతెన మోడర్న్ ఇంజనీరింగ్‌కు( Modern Engineering ) ఒక అద్భుతమైన ఎగ్జాంపుల్ అని చెప్పవచ్చు.వంతెన ప్రత్యేకమైన వృత్తాకార డిజైన్( Circular Design ) డ్రైవర్లు పర్వత దృశ్యాలను ఆస్వాదించడానికి అనుమతిస్తుంది, అదే సమయంలో పర్యావరణ ప్రభావాన్ని కూడా తగ్గిస్తుంది.
ఈ వంతెన పర్యాటకులకు, స్థానికులకు ఒక పాపులర్ డెస్టినేషన్‌గా మారింది, ఇక్కడ ఆకాశమంత హైవేపై డ్రైవింగ్ చేసే థ్రిల్‌ను అనుభవించడానికి తరలివస్తారు.
వంతెన వైరల్ వీడియోను @Enezator ఎక్స్ యూజర్ పోస్ట్ చేసారు, అతను వంతెన అద్భుతమైన అందాన్ని వివిధ కోణాల నుంచి రికార్డ్ చేశాడు.చాలా మంది వినియోగదారులు ఈ ఇంజనీరింగ్ ఫీట్‌ను ప్రశంసించారు.వంతెన రూపకల్పన, స్థిరత్వం పట్ల తమ అభిమానాన్ని వ్యక్తం చేశారు.
కొంతమంది వినియోగదారులు ఈ వంతెన చైనా అధునాతన మౌలిక సదుపాయాలు, ఆవిష్కరణలకు నిదర్శనమని పేర్కొన్నారు.ఆర్కిటెక్చరల్ ఎక్సలెన్స్, క్రియేటివిటీకి చిహ్నంగా మారిన టియాన్‌లాంగ్ మౌంటైన్ బ్రిడ్జ్ ను మీరు కూడా చూసేయండి.
