అవును, మీరు విన్నది నిజమే.స్టార్ ఇండియా మరియు డిస్నీ+ హాట్స్టార్ ప్లాట్ఫారమ్( Disney Hotstar )ల యొక్క కొనుగోలుపై అదానీ గ్రూప్ డిస్నీతో చర్చలు జరుపుతోందని విశ్వసనీయ వర్గాల సమాచారం.
ఐపిఎల్ (ఇండియన్ ప్రీమియర్ లీగ్) స్ట్రీమింగ్ హక్కులను అలాగే ఇండియాలో జియో సినిమా( Jio Cinema )కు హోమ్ క్రికెట్ మ్యాచ్లను కోల్పోయినందున డిస్నీ సంస్థకి పరిస్థితులు అనుకూలంగా లేవని మనం కొన్నాళ్లనుండి వచ్చే వార్తలను వింటూనే వున్నాము.దానితో పాటు, HBO కంటెంట్ కూడా చాలా రోజుల క్రితం జియో సినిమాకి తరలించబడింది.
ఇది డిస్నీ+ హాట్స్టార్కు ఎక్కువ భారీ తెచ్చిపెట్టింది.ఫలితంగా మొత్తం సబ్స్క్రైబర్ ల సంఖ్య వేగంగా క్షీణించింది.
అందువల్ల, డిస్నీ భారతదేశంలో తన టెలివిజన్ మరియు స్ట్రీమింగ్ వ్యాపారాన్ని అమ్మడానికి చూస్తోంది.
ఈ తరుణంలోనే డిస్నీతో అదానీ గ్రూప్( Adani Group ) సంప్రదింపులు జరుపుతోందని టాక్ వినబడుతోంది.బ్లూమ్బెర్గ్ నివేదిక ప్రకారం ప్రస్తుతం జరుగుతున్న చర్చలు ఇంకా ప్రారంభ దశలో వున్నాయని టాక్ వినబడుతోంది.ప్రస్తుతం డిస్నీ+ హాట్స్టార్ వినియోగదారుల కోసం క్రికెట్ ప్రపంచ కప్ మ్యాచ్( World Cup Match ) లను ఉచితంగా ప్రసారం చేస్తోన్న విషయం విదితమే.
ఇది ఖచ్చితంగా దాని యాక్టివ్ యూజర్ బేస్ను మళ్లీ అధిక స్థాయికి తీసుకురాబోతోందని తెలుస్తోంది.ఈ ప్లాట్ఫారమ్ తాజా సబ్స్క్రిప్షన్లను కూడా చూడవచ్చు.
అయితే, ప్రపంచ కప్ ముగిసిన తర్వాత, వినియోగదారులు తిరిగి వచ్చి స్ట్రీమింగ్ ప్లాట్ఫారమ్కు సభ్యత్వాన్ని కొనుగోలు చేయడానికి పెద్ద కారణం ఏమీ కనబడడంలేవు.ఎందుకంటే మనవాళ్లు చాలా ముదుర్లు.అవసరం తీరాక డిస్నీ+ హాట్స్టార్ ముఖమే చూడరని విశ్లేషకులు అంటున్నారు.కావున డిస్నీ తన ప్లాట్ఫారమ్కు వినియోగదారులను తిరిగి తీసుకురావడానికి సరికొత్త వ్యూహాలను రూపొందించాల్సి ఉంటుంది.జాయింట్ ఆపరేషన్ను నిర్వహించడానికి డిస్నీ భారతీయ సంస్థతో భాగస్వామిగా ఉందా లేదా టెలివిజన్ మరియు స్ట్రీమింగ్( Streaming ) వ్యాపారంలో పూర్తి వాటాను అమ్ముతుందా అనేది ఆసక్తికరంగా ఉంటుంది.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
