ఆసుపత్రులు ఎప్పుడూ కిటకిటలాడుతుంటాయి.నిత్యం ఏదో ఒక అనారోగ్యంతో ప్రజలు ఆసుపత్రులకు వెళ్తుంటారు.
ముఖ్యంగా సీజనల్ వ్యాధులు ప్రబలుతున్నప్పుడు ఆసుపత్రులను ఆశ్రయిస్తుంటారు.అయితే ఆసుపత్రులకు వెళ్లినప్పుడు వ్యాధిని ఖచ్చితంగా నిర్ధారణ చేసేందుకు కొన్ని పరీక్షలను చేయించుకోవాలని వైద్యులు సూచిస్తుంటారు.
తద్వారా ఆ రోగికి గల అనారోగ్యాన్ని వారు అంచనా వేసి చికిత్స అందిస్తారు.ఇదే కోవలో బెంగళూరు నారాయణ హెల్త్ సిటీ( Bangalore Narayana Health City ) అరుదైన ఘనతను సాధించింది.
కేవలం ఒక్క రోజులోనే అత్యధిక ఎలక్ట్రో కార్డియోగ్రామ్ స్క్రీనింగ్లు (ఈసీజీ)( Electrocardiogram Screenings ) నిర్వహించింది.ఇలా చేసి ప్రపంచంలో మరే ఇతర హాస్పిటల్కు సాధ్యం కాని ఘనతను సొంతం చేసుకుంది.
అంతేకాకుండా ఏకంగా గిన్నిస్ బుక్ ఆఫ్ రికార్డ్స్లో( Guinness Book of Records ) చోటు దక్కించుకుంది.దీనికి సంబంధించిన ఆసక్తికర విషయాలను తెలుసుకుందాం.బెంగళూరుకు చెందిన నారాయణ హెల్త్ సిటీ బాగా పేరొందింది.ముఖ్యంగా గుండెకు సంబంధించిన వ్యాధులకు ఇక్కడ ప్రత్యేక చికిత్స అందుతుంది.
సెలబ్రెటీలు సైతం ఇక్కడికే వస్తుంటారు.
![Telugu Bangalore Yana, Guinness, Latest, Rare Feat-Latest News - Telugu Telugu Bangalore Yana, Guinness, Latest, Rare Feat-Latest News - Telugu](https://telugustop.com/wp-content/uploads/2023/09/Narayana-Health-enters-Guinness-Book-of-World-Records-by-conducting-3797-ECGs-in-single-day-detailsa.jpg)
తాజాగా ఈ ఆసుపత్రిలో 24 గంటల్లో 3,797 ఎలక్ట్రో కార్డియోగ్రామ్ స్క్రీనింగ్లు (ఈసీజీ) నిర్వహించారు.ఈ రికార్డును గిన్నిస్ బుక్ ఆఫ్ వరల్డ్ రికార్డ్స్ వారు గుర్తించారు.ఆసుపత్రికి వచ్చి గిన్నిస్ రికార్డు అందజేశారు.
ఒక రోజులో ఏ ఆసుపత్రిలోనైనా అత్యధిక ఈసీజీలు( ECG ) చేయడం ఇదే తొలిసారి.గురువారం ఆసుపత్రి ఈ ఘనత సాధించింది.శుక్రవారం నారాయణ హెల్త్ సర్టిఫికేషన్ పొందింది.24 గంటల్లో అత్యధిక ఎలక్ట్రో కార్డియోగ్రామ్ స్క్రీనింగ్లు నిర్వహించి గిన్నిస్ బుక్ ఆఫ్ వరల్డ్ రికార్డ్స్లో చోటు దక్కించుకున్నట్లు నారాయణ హెల్త్ శుక్రవారం ఓ ప్రకటనలో తెలిపింది.
![Telugu Bangalore Yana, Guinness, Latest, Rare Feat-Latest News - Telugu Telugu Bangalore Yana, Guinness, Latest, Rare Feat-Latest News - Telugu](https://telugustop.com/wp-content/uploads/2023/09/Narayana-Health-enters-Guinness-Book-of-World-Records-by-conducting-3797-ECGs-in-single-day-detailss.jpg)
“ఈ విశేషమైన ఫీట్ నారాయణ హెల్త్ ప్రతిష్టాత్మక గిన్నిస్ వరల్డ్ రికార్డ్స్లో గౌరవనీయమైన స్థానాన్ని సంపాదించిపెట్టింది, ఆరోగ్య సంరక్షణలో అత్యుత్తమంగా అభివృద్ధి చెందాలనే దాని నిబద్ధతను పటిష్టం చేసింది.ఈ రోజు నారాయణ హెల్త్ సర్టిఫికేషన్ పొందింది” అని సంస్థ ఆ ప్రకటనలో పేర్కొంది.నారాయణ హెల్త్ వ్యవస్థాపకుడు, ఛైర్మన్, డాక్టర్ దేవి శెట్టి మాట్లాడుతూ: “హెల్త్ స్క్రీనింగ్ గురించి అవగాహన కల్పించడం, గుండె జబ్బుల నివారణకు రెగ్యులర్ చెకప్ల ప్రాముఖ్యత గురించి మాత్రమే మా ప్రయత్నం జరిగింది” అని వివరించారు.